Kenya: Umuramyi Bahati ukomoka mu Rwanda yashyize hanze indirimbo nshya

 Kenya: Umuramyi  Bahati ukomoka mu Rwanda yashyize hanze indirimbo nshya

Umuhanzi w’indirimbo zihimbaza Imana BAHATI Ghislain ukorera umuziki we mu gihugu cy’abaturamyi cya Kenya ariko akaba akomoka mu Rwanda yamaze gushyira hanze indirimbo nshya yise Uri Indirimbo Yange ikubiyemo ubutumwa busingiza ubuhangange bw’Imana kandi ko idatererana abayiyambaje.

Mu kiganiro na Nkundagospel ubwo yashyiraga hanze indirimbo ye nshya, Uri Indirimbo Yange yavuze ko yibutse ibihe byiza yagiriye mu murimo w’ Imana kandi ko ntakindi umuntu yaha Imana atari ugukoresha neza iminsi y’ ubusore bwe. Yanagarutse ku mpano ye aho afite imigambi myinshi muri uyu mwaka kandi ko bigenze nk’uko abyifuza uyu mwaka yasoza Album ye nshya kandi ko azadutangariza byinshi kuriyo mu bihe biri mbere.

Yagize ati: “Dukwiriye gukorera Imana tukiri abasore tukarinda dusaza tukiyikorera. Iyi ndirimbo nshyize hanze uyu munsi ni umusogongero w’izindi ndi gutegura zizasohoka kuri Album nshya kandi mu gihe cya vuba nzayibabwiraho byinshi”.

Ghislain BAHATI, ni umwe mu baramyi batangiriye umuziki wabo mu karere ka Rubavu mu burengerazuba bw’u Rwanda. Ni Umukristu ukomoka mu Itorero ry’Abadivantisiti b’umunsi wa Karindwi. Indirimbo ze azikorana n’aba producers batandukanye barimo abo mu Rwanda ndetse no muri Kenya aho amaze igihe atuye we n’umuryango we.

BAHATI yatangiriye umuziki we mu karere ka Rubavu
Namwe mushobora kureba iyo ndirimbo nshya

Related post

Leave a Reply

Your email address will not be published. Required fields are marked *