Kiliziya Gatolika yungutse Abatagatifu bashya

 Kiliziya Gatolika yungutse Abatagatifu bashya

Kuri Cyumweru tariki ya 15 Gururasi, Nyiri Ubutungane Papa Francis yatangaje Abatagatifu bashya 10 ba Kiliziya Gatolika mu gitambo cya Misa cyaturiwe mu mbuga ya Mutagatifu Petero i Vatican ahari hakoraniye imbaga y’Abakiristu.


Ni bwo bwa mbere Kiliziya yari itanze ubutagatifu bushya kuva mu myaka ibiri ishize ubwo Yohani Henry Newman n’abandi bane bagirwaga Abatagatifu mu Kwakira kwa 2019. Vuba aha kandi hazatangwa ubutagatifu ku bandi bantu 10 bashya muri Kiliziya Gatolika. Abahawe ubutagatifu uyu munsi ni abagabo n’abagore baranzwe n’ibikorwa by’urukundo n’ubwitange bihebuje muri Kiliziya no mu bandi bantu muri rusange ariko bakaza kwitaba Imana. Papa Francis yagize ati: “Ubutagatifu ntago bugizwe n’ibimenyetso bike by’ubutwari, ahubwo ni ibikorwa bitobito by’urukundo bya buri munsi”. Papa Francis wari ufite uburibwe bwo mu ivi kandi agendera mu kagare kugira ngo yirinde kugenda cyane n’amaguru yageraheke guhagarara umwanya muto no kugenda urugendo rurerure mu gihe cya Misa n’ubwo bwose bitamera nko mu gihe atarwaye. Misa yatangiranye n’umuhango wo gutagatifuza waranzwe no gusoma amateka magufi ya buri umwe mu bahawe ubutagatifu byakozwe na Cardinal Marcello Semeraro.

U Rwanda nta mutagatifu ruragira wa Kiliziya gusa hatanzwe ubusabe ko RUGAMBA Cyprien wishwe muri Jenoside yakorewe Abatutsi yagirwa Umutagatifu kandi n’inzira bicamo ngo yemezwe zigeze Kure.

Related post

Leave a Reply

Your email address will not be published.