Korali de Kigali iri gutegura iserukiramuco ry’indirimbo

 Korali de Kigali iri gutegura iserukiramuco ry’indirimbo

Imwe mu makorali amaze kubaka izina muri Kiliziya Gatolika ndetse n’ahandi henshi hatandukanye, kubera imiririmbire yabo idasanzwe, Chorale de Kigali, yateguye iserukiramuco ry’indirimbo rigamije guteza imbere umuziki w’amakorali yo kumugabane wa Africa.

Babinyujije ku rubuga rwabo rwa Twitter banditse bati:

“Chorale de Kigali ku bufatanye n’ishyirahamwe nyafurika rigamije guteza imbere muzika ya korali muri Afrika (ACGC), iri kubategurira iserukiramuco ry’indirimbo.

Iri serukiramuco rizabera mu Intare Arena, muri Car Free Zone no mu Karere ka Musanze kuva ku itariki ya 23-28/03/2022. Rizitabirwa n’amakorali y’ibihangange nka The Harmonious Chorale yo muri Ghana n’andi yahamije ibigwi muri Afurika. Ntuzacikwe!!!”

Chorale de Kigali ni korali izwiho kugira udushya mubyo bakora, cyane cyane mu bitaramo. Aha twavuga nk’igitaramo yakoze mu kwinjiza abakunzi bayo mu minsi mikuru aho abitabiriye icyo gitaramo batashye bafite ibyishimo bisendereye.

Related post

Leave a Reply

Your email address will not be published.