Korali Inyange za Mariya yasohoye indirimbo nshya yagaragayemo karidinali Kambanda

 Korali Inyange za Mariya yasohoye indirimbo nshya yagaragayemo karidinali Kambanda

Korali Inyange za Mariya imaze kuba ubukombe muri Kiliziya Gatolika, by’umwihariko muri Katederali ya Mutagatifu Mikayile, Arikidiyosezi ya Kigali, yasohoye indirimbo nshya yise “Nzabagira Abarobyi”, yanagaragayemo Arkiyepisikopi wa Kigali, Musenyeri Antoine Karidinali Kambanda.

Muri iyi ndirimbo ishishikariza abantu bose gukurikira Nyagasani, batangira baririmba bati: “Nimunkurikire nzabagira abarobyi b’abantu.”

Abarimo umuyobozi w’iyi korali witwa Niyitegeka Charles bakomeza baririmba bati:” Hari abo Nyagasani yitorera ati nimuze, akabagira abarobyi, akabaha ubuhanga nyakuri buturuka iwe, kugira ngo bagende bigisha abandi. Akabakura mu bandi akabajyana ahitaruye akababwiza ukuri amabanga y’ingoma ye, akabatoza gusa nawe.”

Iyi korali yisunze Bikiramariya utarasamanywe icyaha, yatangiye umurimo ku wa 8 Ukuboza 1997, ivukira mu muryango remezo wa Kinyange mu Gitega.

Iyi korali inari mu rugendo rwo kwizihiza yubile y’imyaka 25 imaze itanga ubutumwa yamenyekanye mu ndirimbo zitandukanye, zirimo: “Umuntu umaze gutagatifuzwa”, “Urukundo rw’Imana”, “Inyange za Mariya”, “Twizigiye Uhoraho” ndetse n’izindi.

Iyi korali yari imaze amezi 8 idasohora indirimbo nshya, dore ko yaherukaga gushyira hanze indirimbo bise “Umuntu umaze gutagatifuzwa”.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published.