Korali Jehovah Jireh yasohoye indirimbo ishima Imana ko yagaruye umucyo mu gihigu cy’u Rwanda

 Korali Jehovah Jireh yasohoye indirimbo ishima Imana ko yagaruye umucyo mu gihigu cy’u Rwanda

Korali Jehovah Jireh ibarizwa muri ADEPR muri Paruwasi ya Gasave yasohoye indirimbo nshya yitwa “wagaruye umucyo” ni ndirimbo yongera guhumuriza abantu muri iki gihe cyo kwibuka nshuro ya 27 jenoside yakorewe abatutsi 1994.

Jehovah Jireh ni korali yabahoze biza muri Kaminuza yigenga ya Kigali (ULK) ni joro yamenyekanye mu ndirimbo nyinshi zitandukanye Urugamba ni Yesu uruyoboye, Umukwe araje, Turakwemera, Iw’abandi n’izindi.

Iyi korali si ubwa mbere isohoye indirimbo yongera kugaruramo abantu icyizere kuko yaherukaga gusohora indirimbo bise “ Ndagukomeje” iyi ndirimbo yongeye guhumuriza abayumvise, ubu basohoye indi ibwira abantu ko Imana yagaruye umucyo.

Umuyobozi mu bijyanye n’imiririmbire Aloys , yabwiye NKUNDAGOSPEL ko Imana yagaruye umucyo ahari umwijima ariyo mpamvu bahisemo kwita iyi ndirimbo “Wagaruye umucyo”

Yagize ati “umucyo uza ahantu hari umwijima hari igihe igihugu cyacu cyabaye mu mwijima ariko turashima Imana yagaruye umucyo, niyo yomoye inguma, niyo yakijije abantu ibikomere, imfubyi zarize turabona imbere ari heza  urumiri rw’icyizere twararubonye pe”.

Indirimbo “Wagaruye umucyo” ifite iminota itanu n’amasagonda 49 ikaba ibaye indirimbo ya kabiri korali Jehovah Jireh isohoye mu bihe nk’ibi u Rwanda ruba rwibuka jenoside yakorewe abatutsi 1994, nyuma yuko basohoye indirimbo “ndagukomeje”

Jehovah Jireh ubu imaze kuba ubukombe mu muziki uhimbaza Imana kuko imaze gukora album enye imaze kuzenguruka igihugu cy’u Rwanda ikora ivugabutumwa,  kubera icyorezo cya Covid-19 cyagiye cy’ibakoma  mu nkokora bitewe na gahunda nyinshi bari bafite z’ivugabutuma, ubu ibikorwa byabo hari kubicisha kuri shene ya  youtube yabo yitwa Jehovah Jireh

REBA HANO INDIRIMBO NSHYA YA KORALI JEHOVAH JIREH ‘WAGARUYE UMUCYO’

Related post

Leave a Reply

Your email address will not be published. Required fields are marked *