Korali Naioth ya SGEEM yasohoye indirimbo nshya yongera kwibutsa abantu ko Yesu ari hafi kuza

 Korali Naioth ya SGEEM yasohoye indirimbo nshya yongera kwibutsa abantu ko Yesu ari hafi kuza

Korali Naioth  ikorera umurimo w’ivugabutumwa rinyuze mu ndirimbo muri ADEPR Rwampara SGEEM, yasohoye indirimbo nshya y’amashusho yise “ Araza vuba” ikubiyemo ubutumwa bwibutsa abantu bose  ko Yesu aza vuba bidatinze.

Korali Naioth  isohoye iyi ndirimbo “Araza vuba” nyuma y’ukwezi isohoye indi yise “Hari uburuhukiro” bigarazaga ko iyi korali irimo gukora cyane nubwo bigoye kubera ibihe bya Covid-19. iri kuri album yabo ya kabiri yitwa “Niwe Wabanje Ku nkunda” izaba igizwe n’indirimbo 13.

Korali Naioth ni korali irimo gukora cyane muri uyu mwaka

Umuyobozi w’indirimbo muri Korali Naioth, Hakizimana Jean Claude, yabwiye NKUNDAGOSPEL ko iyi ndirimbo ni ukongera kubwira abantu batandukanye by’umwihariko abakristo ko Umwami Yesu ari hafi kugaruka ndetse vuba bidatinze.

Yagize ati “Mu by’ukuri muri iki gihe abantu barahuze cyane ndetse ibyo kwitegura Yesu Kristo ntibibashishikaje namba.twifuje kongera kubibutsa ko Umwami Yesu Kristo ari hafi kugaruka”.

Hakizimana yakomeje yibutsa abantu bave mu gahujye bitegure kugaruka kwa Yesu kuko azaza atunguranye .

Ati “Tubabwira ngo nibongere biyeze, bitunganye kdi amatabaza yabo arusheho kwaka kuko Yesu Kristo araza vuba kdi nkuko yabivuze azatungurana”.

Korali Naioth yatangiye umurimo w’ivugabutumwa mu buryo bwo kuririmba mu 2001. Batangira ari korali y’abanyeshuri muri  Gicurasi 2008 niho bahawe izina rya Naioth . Ubu ni korali igizwe n’abaririmbyi 100. Abagabo, abagore, abasore ndetse n’abakobwa muri bo abenshi n’urubyiruko. bamaze gukora album ebyiri  iya mbere  yitwa “ Igihe Ni Iki” iriho indirimbo 8 z’amajwi n’amashusho . Album ya kabiri yitwa “Niwe “Wabanje Ku nkunda” iriho indirimbo 13 z’amajwi n’amashusho meza.

Iyi korali ni imwe muri korali zikunzwe mu ruhando rw’abakunzi b’umuziki uhimbaza Imana by’umwihariko mu bayoboke ba ADEPR no mu yandi matorero mu gihugu hose no hanze yacyo.

Abakunzi ba korali Naioth bashonje bahishiwe kuko izindi ndirimbo zirimo gutunganywa. Nazo zirabageraho mu minsi ya vuba.

REBA HANO INDIRIMBO NSHYA YA KORALI NAIOTH

Related post

Leave a Reply

Your email address will not be published. Required fields are marked *