Korali Ukuboko kw’iburyo yashyize hanze indirimbo nshya y’amashusho ” Aracyakora” izasohoka kuri Album ya kane

 Korali Ukuboko kw’iburyo yashyize hanze indirimbo nshya y’amashusho ” Aracyakora” izasohoka kuri Album ya kane

Korali Ukuboko kw’iburyo ikorera umurimo w’Imana muri ADEPR Gatenga imwe muri korali zikunzwe cyane yashyize hanze indirimbo nshya yise “Aracyakora” ni ndirimbo igaruka ku gukomera kwa Yesu uko yakoraga cyera n’uyu munsi niko ari aracyakora.

 Korali Ukuboko  kw’iburyo yakunzwe cyane mu ndirimbo nyinshi zitandukanye cyane cyane mu ndirimbo yabo y’ibihe byose yitwa “ Ikidendezi”. Ku munsi w’ejo niho iyi korali yongeye gushyira hanze indirimbo “Aracyakora” iyi ndirimbo izaba iri kuri Album ya Kane. Iyi ndirimbo amashusho yayo yafatiwe gitaramo cyabereye muri Dove Hotel kiswe ‘Ikidendezi Live Concert’ cyabaye kuwa 01/12/2019 gihuruza imbaga ku buryo abenshi batabashije kubona aho bicara cyangwa bahagarara muri salle ya Dove Hotel bakurikiranira igitaramo hanze.

Korali Ukuboko kw’iburyo irashyira hanze Album ya kane uyu mwaka

Iyi album ya kane izaba yitwa “Si kukidendezi gusa” iyi Album izaba iriho indirimbo ‘HASHIMWE YESU’ ikoze mu njyana imenyerewe muri ‘Eglise Catolique’ mu majwi abenshi bita Classic, hazaba hariho n’izindi ndirimbo zakunzwe cyane nka Kisima,Uwabambwe, iyi album izaba igizwe ni ndirimbo umunani ikaba izasohoka muri uyu mwaka.

Umuyobozi wa korali Ukuboko kw’iburyo Kwizera Seth, yabwiye, NKUNDAGOSPEL ko iyi ndirimbo yongera kwibutsa abantu ko Yesu agikora ibitangaza atigeza aginduka.

Yagize ati “Ubutumwa twashakaga gutanga muri iyi ndirimbo nuko uko Yesu yakoraga ibitangaza cyera n’uyu munsi niko agikora kuba mwizera n’abatamwizera”.

yakomeje atanga ubutumwa ku bakunzi b’umusaraba ko nubwo icyorezo cya Coronavirus cyugarije isi ariko Imana  iracyakora ntaho yagiye ikindi nuko turi mu minsi 100 y0 kwibuka jenoside yakorewe Abatutsi 1994. Imana yarinze abantu muri kiriya gihe iracyahari. Hari ijambo ry’Imana rivuga ngo Iyabarokoye izakomeza kubarokora kandi bakomeze ibyiringiro ku Mana yacu.

Izindi ndirimbo iyi Korali izwiho twavuga nka IKIDENDEZI, IMIRIMO, URUKUMBUZI, URIHARIYE, IMITIMA, KURO, KUVA KERA, NAFURAHIYA, IBYIRINGIRO BY’UBUZIMA, n’izindi nyinshi zigaruriye imitima ya benshi mubakunzi b’umuziki uhimbaza Imana.

Iyi Korali igizwe n’abaririmbyi barenga 150, ibarizwa kuri ADEPR Paroisse Gatenga, ikaba yarabonye izuba ahagana mu mwaka wa 1989. Kuva yashingwa yagiye ikora ibikorwa binyuranye itegura kandi yitabira ibitaramo bitandukanye haba mu Rwanda no mu gihugu cya Uganda. Ubu ifite Album eshatu ikaba irimo gukora album ya kane.

REBA HANO INDIRIMBO NSHYA ” ARACYAKORA” YA KORALI UKUBOKO KW’IBURYO

Related post

Leave a Reply

Your email address will not be published.