Kurikira ‘LIVE’ amasengesho y’abahanzi 15 bahurijwe mu gikorwa cya Rwanda Gospel Stars Live

 Kurikira ‘LIVE’ amasengesho y’abahanzi 15 bahurijwe mu gikorwa cya Rwanda Gospel Stars Live

Ni umunsi wateguwe na Rwanda Gospel Stars Live w’amasengesho ndetse no guhuza aba bahanzi n’abaterankunga b’iki gikorwa.

Ni igikorwa kiri kuba kuri uyu wa gatatu, tariki 03/11/2021 gihuriyemo abahanzi batandukaye batoranyijwe mu gikorwa cya Rwanda Gospel Stars Live.

Ni umwanya witabiriwe n’abahanzi batandukanye nubundi bahuriye muri kino gikorwa. Bamwe mu bitabiriye iki gitaramo, ni Gaby Kamanzi, Serge Iyamuremye, James & Daniella, Gisubizo Ministries, True Promises, MD, Murava Annet, Theo Bosebabireba, Rata Jah Naychah.

Umwe mu bayobozi b’iki gikorwa, Mike Karangwa, mu ijambo ry’ikaze rinatangiza aya masengesho yahaye ikaze abitabiriye uyu munsi ndetse anasobanura icyo iki gikorwa kigamije. Muri uyu mwanya wo gutanga ikaze yashimangiye ko ikigamijwe muri iki gikorwa atari ‘Business’ kuko baramutse aricyo bagamije sibwo buryo bakabikozemo. Agira ati “Ibi kubikora si ‘Business’ kuko bibaye ariyo ubu sibwo buryo twakabikozemo.” Akomeza agira ati “Ubu bamwe muri twe  bari kuzana imvi, twifuza ko mu myaka iri imbere Gospel Music mu Rwanda izaba iri ahantu heza.”

Mu ijambo rye yagaragaje ko ikiraka cyabonetse ku bahanzi, yagize ati “Ikiraka cyarabonetse ku bahanzi, ni iki ikiraka cyo kuzana abantu benshi kuri Yesu.” Yongeraho agira ati “Mu gukora iki kiraka hagomba no gutekerezwa uburyo gukora umurimo w’abo bahanzi nabyo byagakwiye kuba hari ikintu niyo cyaba gito bibungura muby’ubu buzima ndetse n’imibereho.”

Yongeyeho ati “Abantu bagomba kumva ko umuhanzi uririmba indirimbo zihimbaza Imana agomba kuba agira icyo nawe bimwinjiriza kirenze kukumubwira ‘Yesu aguhe umugisha mwenedata’.”

Akomeza n’ijambo ritangiza aya masengesho, umuyobozi Mike Karangwa, yavuze ko abakristo bagiye kwegerezwa aba bahanzi kuko aba bahanzi bagiye kuzenguruka amatorero atandukanye bataramana n’abakunzi babo ndetse banarusheho gukora ibiganiro ku mbuga zitandukanye.

Umuyobozi kandi yakomoje ku gikorwa bari guteganya ndetse kizajya kiba mu mpera za buri mwaka. Ni igitaramo kizajya kiba kigamije gushima Imana kubw’uburinzi bwayo ndetse no kuyiragiza undi mwaka mushya uzajya uba utangiye. Ni igikorwa giteganyijwe kuzaba kuwa  02/01/2022 muri Kigali Arena kizatabirwa n’abahanzi batandukanye kandi akarusho n’uko buri muhanzi wese uzaririmba muri iki gikorwa azahabwa videwo ye akayishyira ku mbuga ze.

Si ibyo gusa kuko mu mpeshyi z’umwaka utaha wa 2022 hateganyijwe ibikorwa byo gutaramira abanyarwanda mu ndirimbo zihimbaza Imana ariko noneho babasanze aho batuye.

Mu kiganiro Nkundagospel yagiranye n’umuyobozi w’iki gikorwa, Aimable, yagarutse ku makosa ari gukorwa n’abantu mu gutora no gushyigikira aba bahanzi, yagize ati “Abantu bari gukora amakosa yo guhita bashyiraho code yose ndetse niy’umuhanzi batabanje kwiyandikisha.” Yakomeje agira ati “Gutora aba bahanzi ubanza kwandika *544# ukabanza ukiyandikisha ukurikije amabwiriza ubundi ugakomeza n’izindi nzira zikurikiraho.”

Abahanzi 15 bo mu ndirimbo zo kuramya no guhimbaza Imana bitabiriye igikorwa cyo gutangiza ku mugaragaro igikorwa cyiswe Rwanda Gospel Stars Live, kigamije kubashyigikira no kubashimira uburyo inganzo yabo igira uruhare mu nguni zitandukanye z’ubuzima.

Abahanzi bari muri iki gikorwa cya Rwanda Gospel Stars Live ni 15 aribo: Israel Mbonyi, Serge Iyamuremye, Tonzi, Frank Aime Nitezeho, James & Daniella, MD, Aline Gahongayire, Gisele Precious, True Promises Ministries, Theo Bosebabireba, Annet Murava, Gisubizo Ministries, Rata Jah Naychah, Gaby Kamanzi na Chorale Christus Regnat.

GUTORA UCIYE KURI INTERNET, CA HANO: https://valwallet.com/home/event/contestants/a0c90a8f7f4bf412caf36b31d82c1aa5

Uhereye ibumoso MD, Annet Murava, Alexis Nkomezi (Uhagarariye Gisubizo Ministries) na Gaby Kamanzi
Uhereye ibumoso, Daniella, James na Serge bitabiriye aya masengesho
Aimable, Umuyobozi wa Rwanda Gospel Stars Live
Dj Spin umuyobozi wa gahunda
Mike Karangwa atanga ijambo ry’ikaze.
Umuyobozi muri Sanlam

Related post

1 Comment

  • Ni byiza cyane kd biranejeje!!
    Ariko se kuki hafashwe abahanzi bake byatewe Niki??
    Murakoze cyane!!

Leave a Reply

Your email address will not be published. Required fields are marked *