Kwandika ijambo “Ubukristu” byabaye icyaha gihanwa na guverinoma y’Ubushinwa

 Kwandika ijambo “Ubukristu” byabaye icyaha gihanwa na guverinoma y’Ubushinwa

Guverinoma y’Ubushinwa yashyizeho itegeko rihana umuntu wese uri muri iki gihugu uzandika ijambo “Ubukristu” ku mbuga nkoranyambaga.

Ibi byashyizwe ahagaragara n’umuryango mpuzamahanga wa gikristu, udaharanira inyungu, ugamije guteza imbere ubwisanzure bw’amadini, ChinAid.

Uyu muryango wahishyuye ko abashinwa b’abakominisiti bashyizeho itegeko rigenga ibyamamazwa kuri interineti rivuga ko umuntu wese uzanyuza ubutumwa ku mbugankoranyambaga burimo ijambo “ubukristu” azaba yishe nkana amabwiriza ya leta yo gukoresha interineti ndetse azafatwa nk’uwashyizeho amafilimi y’urukozasoni, gukoresha ibiyobyabwenge, urusimbi ndetse n’ibindi.

Mu minsi ishize itorero ryitwa Early Rain Covenant Church ryo mu Bushinwa riherutse kugongwa n’iryo tegeko aho bakoresheje rumwe mu mbugankoranyambaga rwitwa ‘WeChat’ kugira ngo basangize abasomyi bo kuri interineti amazina y’ibitabo 8 byabo kugira ngo bahitemo ibyabashimishije, birimo: The Defense of the Faith by Cornelius Van Til, Tradition and the Individual Talent by T. S. Eliot and The Imitation of Christ by Thomas à Kempis, ariko urubuga rwa WeChat rukanga gucishwaho ubwo butumwa ngo kubera ko harimo ijambo ‘Christ’ cyangwa se “Kristu” ugenekereje mu rurimi rw’Ikinyarwanda.

Muri iki gihugu kandi hagiyeho itegeko rivuga ko umuntu wese wifuza kujya yigisha inyigisho zishingiye ku idini binyuze kuri interineti, agomba kubanza kwiyandikisha muri leta.

Related post

Leave a Reply

Your email address will not be published.