Kwibuka 27: itorero rya ADEPR ryongeye gusaba abakirisitu kongera kwibwiza ukuri

 Kwibuka 27: itorero rya ADEPR ryongeye gusaba abakirisitu kongera kwibwiza ukuri

Ubuyobozi bw’itorero rya Pantekote ryo mu Rwanda (ADEPR) bwateguye ibikorwa byo kwibuka ku nshuro ya 27 abazize Jenoside yakorewe Abatutsi ibi bikorwa bizabera mu ndembo zose uko ari icyenda kwikubitiro iki gikorwa cyahereye  mu rurembo rwa Gihundwe.

Ururembo rwa Rusizi ruginzwe n’uturere twa Rusizi, Nyamasheke na Karongi kugeza ubu itorero rya ADEPR mu rurembo rwa Gihundwe imibare imaze kumenyekana y’abatutsi bishwe muri jenoside yakorewe abatutsi ni 1843 bari abakirisitu ba ADEPR biciwe hirya no hino mu nsegero no mu bigo bya ADEPR. Ariko byumwihariko itorero ADEPR ryibukaga abatutsi biciwe mu rwunge rwa mashuri rwa Gihundwe hari ku itariki 03 Gicurasi 1994.

Umushumba w’ururembo rwa Gihundwe Pasiteri Nsabayesu Aimable

Umuyobozi w’ururembo rwa Gihundwe, Pasiteri Nsabayesu Aimable, yavuze ko bazakomeza gushaka amakuru hirya no hino kugira ngo bizabafashe kubaka amateka mashya.

Yagize ati “ ubuyobozi bwa ADEPR Gihundwe bukazakomeza gukusanya amakuru yibyabereye mu rurembo rwacu kugira ngo bidufashe kubaka amateka mashya kandi twiyemeje kumenya amakuru yabaroketse jenoside yakorewe abatutsi uko babayeho, n’uburyo bwose bwakomeza kubafasha kubaho neza bidakozwe muri ibi bihe byo kwibuka gusa, tukarushaho gutanga umusanzu wo kubaka igihugu cyizira amacakubiri hatangwa ibiganiro bitandukanye n’ibikorwa bitandukanye byubaka umuntu mu buryo bwuzuye”.

Umuyobozi wa ibuka mu karere ka Rusizi Ndagijimana Laurent

Umuyobozi wa Ibuka mu karere ka Rusizi Ndagijimana Laurent avuze ko kubaho neza ari igikorwa gikomeye kuko abo babuze babifurizaga kubaho neza.

yagize ati “ ndashaka kubakomeza mugaharanira kubaho neza  nibwo muzaba mwujuje icyo abo mwabuze bifuzaga kuko babifurizaga kubaho neza no kugira agaciro mu gihugu cyanyu,ntibagize amahirwe yo kubana namwe agaciro kabo kari muri mwe, ndashimira itorero rya ADEPR mu Rwanda cyane cyane igicumbi cya Gihundwe buri mwaka badasiba gutegura igikorwa nkiki kandi tubabona mu bikorwa byo kugoboka abatishoboye mwababereye ababyeyi n’abavandimwe mukwiye kubikomeza. Hari ibikorwa by’isanamitima hirya no hino ariko byarushaho guhabwa imbaraga kurushaho”.

Umuyobozi wungirije ushinzwe imibereho myiza mu karere ka Rusizi

Umuyobozi wungirije ushinzwe imibereho myiza mu karere ka Rusizi yagize ati “ turabashimira ko ubuyobozi bwa ADEPR kuba mwongeye guha agaciro kuza gufatanya nabatuye mu karere ka Rusizi kuza kwibuka abazize jenoside yakorewe abatutsi, tuzakomeza gufatanya n’ubuyobozi bw’itorero mu bikorwa byose mwimirije imbere byo kubaka ubumwe bwa Banyarwanda , mu bikorwa byo kubaka n’ibyo komora ibikomere. U Rwanda rucyeneye umukirisitu utarangwa n’amacakubiri ayaririyo yose”.

Umuvugizi w’ungirije wa ADEPR Pasiteri Rutagarama Eugene

Umuvugizi wa ADEPR Ndayizeye Isaie yavuze ko Uwiteka ariwe buhungiro ni mbaraga zacu kuba hari abarokotse jenoside nuko Uwiteka ari ubuhungiro, umugambi w’Imana ijya itanga ubuzima.

Yagize ati “ kubarokokeye mu rwunge rwa mashuri rwa Gihundwe gukunda mugenzi wawe nkuko wikunda  yaheze mu magambo gusa mu gihe bibiliya idusaba gukundana, mu gihe turi mu rugendo rwo kwibuka twiyubaka ni ngombwa ko twibwiza ukuri, turashima aho bigeze twiyubaka yaba ari mu itorero ndetse no mu gihugu. Nk’abanyamatorero dukwiye kwibaza icyabuze kugira ngo habe jenoside, mu gihe igihugu cyarimo umubare munini twakwita ko ari abakirisitu, ibi abashumba dukwiye kubyibaza ndetse n’abayoboke nabo bakwiye kubyizaba. Ibyo bikwiye kudutera ikimwaro kuba ibyo byarageze mu bigo nkibi by’amatorero. Dukwiye kwibaza aho ubukirisitu turimo twubaka aho butuganisha iki cyakabaye umukoro wa buri wese”.

Yakomeje avuga ati “ byumwihariko ndashimira abarokotse jenoside yakorewe abatutsi ba Gihundwe  turabashimira ko mwakomeje kubana n’abaturanyi banyu neza, turababwira ngo ibyo Imana ibibwiraho ni byiza, itorero rirahari kugira ngo rikomeze gufatanya n’ubuyobozi bw’igihugu gukomeza ubumwe bw’abanyarwanda kandi twizeye ko ikibi cyitazongera”.

Umushumba w’ururembo rwa Huye Pasiteri Ndayishimiye Tharcisse
Umushumba w’ururembo rwa Kigali Pasiteri Rurangwa Valentin

Ibi bikorwa byo kwibuka ku nshuro ya 27 jenoside yakorewe abatutsi  bizakomeza mu ndembo zose ku itariki ya 12 Gicurasi hazibuka ururembo rwa Nyabisindu.

umuyobozi wa Groupe scolaire Gihundwe

Related post

Leave a Reply

Your email address will not be published.