Leta y’u Burundi yashyikirije leta y’u Rwanda Abanyarwanda 8 bari bahunze urukingo bita urw’anti-Kristo

 Leta y’u Burundi yashyikirije leta y’u Rwanda Abanyarwanda 8 bari bahunze urukingo bita urw’anti-Kristo

Leta y’u Burundi yashyikirije leta y’ u Rwanda abanyarwanda 8 barimo 5 bakuru ndetse n’abana 3 bari bahungiye muri iki gihugu cy’abaturanyi kubera imyemerere y’amadini basengeramo, aho bahamya ko urukingo rwa COVID 19 ari ikimenyetso cy’inyamaswa ndetse n’anti-Kristo.

Nkuko leta zombi zabitangaje, “aba Banyarwanda bakiriwe neza ndetse banasezeranywa kudahabwa uru rukingo hakoreshejwe ingufu.”

Nkuko babitangarije ibinyamakuru byo mu Burundi, ngo icyatumye aba bahunga ngo nuko bashyirwagaho igitutu cyo kwikingiza kandi hari inyandiko isinywa ivuga ko kwikingiza ari ubushake.

Radio na Televiziyo Isanganiro dukesha iyi nkuru yavuze ko aba banyarwanda bahungiye muri iki gihugu mu ijoro ryo Ku wa 20 Ukuboza 2021, saa tatu z’ijoro bambutse uruzi rw’Akanyaru.

Umuyobozi wa Komini ya Bugabira, Twizerimana Éric, yatangaje ko yagerageje kumvisha aba Banyarwnda ngo basubire mu Rwanda ariko bakanga, ahubwo bagahitamo kujya barara ku biro bya Nyakarama.

Related post

Leave a Reply

Your email address will not be published.