‘Mbonyicyambu’ yasohoye ‘Icyambu’ indirimbo y’isezerano agenderaho mu muhamagaro we

 ‘Mbonyicyambu’ yasohoye ‘Icyambu’ indirimbo y’isezerano agenderaho mu muhamagaro we

Umuhanzi umaze kwigarurira imitima ya benshi mu bakunda n’abakurikira indirimbo ziramya zikanahimbaza Imana, Israel Mbonyi, yashyize hanze indirimbo ye nshya ‘Icyambu’ ari nayo yitiriye album ye ya kane ahishura ko amagambo ayigize yayabwiwe n’Imana nk’isezerano ry’ibyo izamukoresha ku murimo yamuhaye.

Israel Mbonyicyambu umaze kumenyekana ku mazina ya Israel Mbonyi ni umuhanzi umaze imyaka hafi umunani akora umuziki uhimbaza Imana dore ko indirimbo ye ya mbere yayishyize hanze kuwa 10 werurwe 2014, indirimbo Number One ari nayo yitiriye album ye ya mbere. 

Mbonyi ari mu bahanzi bazwiho gutinda ndetse no gushyira intera hagati y’indirimbo imwe n’iyindi kuko usanga indirimbo ze nyinshi nshya yagiye asohora haracagamo igihe kitari munsi y’amezi 5 hakaba naho yamaze amezi arenga icyenda nta ndirimbo nshya ashyize hanze ariko kuri iyi nshuro siko biri kugenda kuko uyu muhanzi nyuma y’igihe cy’ukwezi ashyize hanze indirimbo ‘Urwo Rutare’ ubu yamaze gushyira hanze amajwi n’amashusho by’indirimbo ye nshya ‘Icyambu’ 

Kuva igihe yashyiriye hanze izina ry’iyi ndirimbo nk’integuza, abantu batandukanye bibajije  niba iri zina ‘Icyambu’ rifite aho rihuriye n’izina rye ‘Mbonyicyambu’ asanzwe yarahinnye ku mazina ye y’ubuhanzi akoresha ‘Mbonyi’ ariko yabisobanuye neza mu butumwa yanyujije ku mbuga ze akoresha asobanura aho iryo zina ‘Icyambu’ ryakomotse.

Muri videwo y’amasegonda 43 iri ku rukuta rwe rwa instagram, yagize ati “Iyi ndirimbo nayanditse nkurikije amagambo Imana yambwiye imaze kumpamagara” akomeza agira ati “Imana yarambwiye iti ‘Nzakugira icyambu cy’abantu benshi b’iy’isi”. Asoza iyi videwo yagize ati “Uwiteka ababere icyambu, abagire icyambu”

Umva indirimbo nshya ‘Icyambu ya Israel Mbonyi’

Related post

1 Comment

  • Be blessed for the Gospel spreadin

Leave a Reply

Your email address will not be published.