Menya amateka y’indirimbo Murinzi we menyesha igihe ya 385 mu gushimisha

 Menya amateka y’indirimbo Murinzi we menyesha igihe ya 385 mu  gushimisha

Iyi ni indirimbo irimo amagambo meza amagambo y’ubugingo indirimbo ya 385…yahimbwe n’umwari witwa Anna Rebecca Smith wavukiye Muri Leta z’unze ubumwe z’Amerika Mu 1828 Aza gusinzira 1855 afite imya 27 gusa.

Rebecca yabatirijwe mu itorero ry’aba Baptista ariko we n’ababyeyi be baje kuva muri iryo torero kubw’imyizerere yabo bayoboka mouvement ya William Mileri wavugaga ko Yesu azaza 1844. ariko icyo gihe benshi baracogoye basubira inyuma ariko Rebecca n’itsinda rito ntibasubiye inyuma ndetse ntibigeze bacogora kandi kubw’ubuhanga n’impano bya Rebecca yaje kujyanwa gukora mu macapiro ariko mu gihe gito yaje gusubira mu rugo kubw’indwara y’igituntu ari nayo yaje kumuhitana.

Ubugingo bugufi bwa Rebbecca bwari ubuhamya bwo kwizera kuri benshii maze Rebecca afatanyije n’igitabo cy’abaheburayo 11:14 aravuga ngo abavuga batyo baba berekana ko bashaka gakondo irushaho kuba nziza.  Maze Rebecca ahimba indirimbo yafashije benshii ndetse natwe iradufasha na nubu. araririmba ngo”

MURINZI WE MENYESHA IGIHE. Mbese iwacu ni imuhero? Ati ijoro ririjimye cyane ariko buracya hanyuma… Ntukarire ukomeze nturorere kwiringira kugeza igihe uzasohora kumunsi uhoraho…

Akomeza agira ati”murwanyi we cyo mbwira nawe ansubiza yitonze ati intambara igiye gushiraa guma muntambara nubabara wihangane ntureke imirimo yawe tuzabona igihembo kiza nidutabaruka… (haleluyaa) ni kenshi ducogozwa n’ibihe ibyiza cyangwa ibibi tugasubira inyuma.

Ariko muri iyi ndirimbo Rebecca araririmba ngo ndacyabaza ibyaremwe byose binsubiza bitya biti iy’isi yacu iza gushira haze indi idashira aravuga ngo umenye ibyo bimenyetso bigaragaza kuza kwe kdi ibyaremwe uko bingana byiteze impanda ye…

Rebecca yaririmbye iyi ndirimbo kuko abo mu gihe cye inshuti abo basenganaga yabonaga ukuntu basubiye inyuma ndetse abona uko bahugijwe n’isi batakitaye ku by’ubwami

bwa Kristo bavuga ko atakije ariko uyu mukobwa ntiyacogoye erega iy’isi iza gushira.

Mbese ujya wumva ucogoye,mbese ujya wumva ubabazwa n’ubuzima ubayemo Rebecca yaturaze umurage mwiza adusigira indirimbo izajya idufasha tugeze mu bihe twumva twacogojwe na byinshi duhura nabyo muri iy’isi. ndizera ntashidikanya ko kuva uyumunsi iy’indirimbo izagufashiriza ubugingo kugeza igihe Kristo azazira kujyana abe nge nawe azasange tumwiteguye rero n’ubabara wihangane ntureke imirimo yawe tuzabona ibihembo byiza nidutabaruka .

Related post

1 Comment

  • Yemwe amateka y’iyi ndirimbo aranshimishije cyane kuko nayikundaga cyane ntaramenya imvano yayo
    Ndabashimira mukomeze mutwandikire n’izindi nkuru zerekeye ibihimbano by’umwuka mu Izina rya Yesu tuzatabaruka amahoro

Leave a Reply

Your email address will not be published. Required fields are marked *