MENYA AMATEKA Y’INDIRIMBO “TUGUMANE ITEKA” YA 37 MU NDIRIMBO ZO GUSHIMISHA

 MENYA AMATEKA Y’INDIRIMBO “TUGUMANE ITEKA” YA  37 MU NDIRIMBO ZO GUSHIMISHA

Iyi ndirimbo itangizwa na magambo avuga ati “ Tugumane Iteka” iyi ni ndirimbo 24 mu ndirimbo zo guhimbaza Imana  izo bakunda kwita iz’abadivantisiti b’umunsi wa karindwi mu Rwanda, iyo ndirimbo kandi ni 382 mu gitabo z’indirimbo z’icyongereza yitwa golden bells ikaba 249 mu gitabo cy’indirimbo z’igifaransa cyitwa Chants de Victoire, amagambo y’iyi ndirimbo yahimbwe n’uwitwa Annie Sherwood Hawks mu mwaka 1872 yavukiye ahitwa Hoosick muri New York muri Amerika 28 Gicurasi 1836. yasengeraga mu itorero rya babatisita muri New York, yatangiye kwandika  afite imyaka 14,yanditse imivugo, ibisigo ndetse ni ndirimbo bigera kuri 400.

Anne yashakanye na Charles Hial Hawks 1859  icyo gihe yarafite imyaka 23 y’amavuko babyarana abana batatu, umugabo Charles yaje gutabaruka mu mwaka 1888. Annie yagiye kubana n’umukobwa we n’umukwe we muri Bennington muri Amerika ariho yatabarukiye tariki ya 3 Mutarama 1918. Icyo gihe yari afite imyaka 82 y’amavuko.

Umupasiteri wo mu itorero rya babatisita aho Annie yasengeraga uwitwa Robert Lowry wabayeho mu mwaka 1826 kugeza mu mwaka 1899 yari umuhanga mu guhimba indirimbo  no kuririmba, abonye impano yo guhimba no kuririmba muri Annie, maze mu mwaka 1868, amusaba kwandika indirimbo yo kwigisha mu ishuri ryo ku cyumweru.

Annie yahimbye amagambo y’iyi ndirimbo mu gihe yari mu mirimo isanzwe yo mu rugo, yumvise muri we umunezero udasanzwe ubwo yibukaga uko Imana imukunda, yumva muri we ishyaka ryo kugaragaza agakiza Imana yamuhereye ubuntu muri Yesu kristo,Anne yumva ashimishijwe ko kumva ko Imana imuhora hafi akiri muri ibyo byiyumviro yabonye amagambo abanziriza iyi ndirimbo ngo “Tugumane Iteka” yahimbye ibice uko ari bitanu bigize iyi ndirimbo.

Pasiteri Robert Lowry niwe wahimbye amagambo y’igice gisubirwamo cy’iyi ndirimbo kandi niwe wahimbye ijwi ryayo. Iyi ndirimbo yaririmbye bwa mbere mu mwaka 1872. Maze tariki 20 Ugushyingo 1872 iyi ndirimbo iririmbwa na korali igizwe na bantu 3000, mu giterane cy’ababatisita ku rwego rw’igihugu cyabereye ahitwa Ohao muri Amerika. Iyi ndirimbo yarakunzwe cyane hafi y’imigabane yose y’isi ihindurwa mu ndimi nyinshi. Yaririmbwe mu biterane bikomeye byabaye muri Amerika, mu Bwongereza n’ahandi.

Annie amaze gupfusha umugabo we yasobanukiwe cyane agaciro ka magambo ari muri iyi ndirimbo kubura uwo bashakanye byaramubabaje cyane bimutera agahinda gakomeye, ariko kubana na Yesu byamuzaniye umutekano, amahoro n’ihumure mu mutima we. nshuti bavandimwe ducyenera Imana buri kanya, ubugingo  bwacu buri mu biganza byayo, Imana niyo iduha umwuka duhumeka, niyo ituma umutima wacu utera,  ni myanya y’umubiri igakora.

Yesu niwe ubasha kutwomora inguma z’icyaha ni Yesu wenyine ubasha kuduha imbaraga zo gutsinda  ibishuko, niwe urambura ikiganza agahaza ibyaremye byose niwe ikiza indwara zose agahumuriza abafite agahinda kandi ahakoza abarira bose, Yesu niwe utanga ibyiringizo kubamwizeye bose

Related post

Leave a Reply

Your email address will not be published.