Menya byinshi byerekeye Vatican ahari ikicaro cya kiriziya gaturika

 Menya byinshi byerekeye Vatican ahari ikicaro cya kiriziya gaturika

I Vatican niho hari ikicaro cya kiliziya gaturika, hafatwa nk’igihugu ukwaho ariko ni agace gato k’umujyi wa Roma. Roma nayo ikaba ariwo murwa mukuru w’igihugu cy’u Butaliyani. Aha rero muri Vatican niho aba papa baba ndetse akaba ari naho bakorera umurimo wabo. Aba Papa rero bakaba baratangiye kuba muri uyu mugi kuva mu kinyejana cya 14, Aha hantu rero akaba ari ahantu hafite byinshi bitazwi na benshi bimwe muri byo akaba aribyo tugiye kugarukaho.

Vatican nicyo gihugu gito ku isi yoseVatican ni igihugu kiri hagati mu butaliyani ,ni igihugu ubwacyo kiyobowe na Papa kandi kikagendera ku mategeko yacyo, ntaho gihurira n’amategeko yo mu butaliyani. Vatican ni igihugu gifite ibyangombwa byacyo bikemerera kwitwa igihugu nkuko ibindi bihugu byose byo ku isi bimeze. Nta gihugu na kimwe ku isi kitagira ubuso ariko mu bihugu bito byose biba kuri uyu mubumbe Vatican nicyo gihugu gito kubirusha byose kuko gifite ubuso bungana na hegitari 44 zikaba ari hafi ibibuga 80 by’umupira w’amaguru.

waruziko aba papa bamaze imyaka 6o badasohoka muri Vatican? Nubwo papa yibera I Vatican akaba ari naho akorera imirimo ye ariko agira ingendo nyinshi, aho asura ibihugu byinshi bitandukanye kuri iyi si, dore ko nta gihe kirekire giciyemo ubwo aheruka I Bugande. Aba I Vatican ariko agenda cyane mu bice bitandukanye by’isi. Nubwo bimeze bityo hari imyaka 60 itazibagirana aho nta mu papa n’umwe wigeze asohoka muri Vatican ngo agire ahandi ajya, ibi byari byatewe n’ibibazo Kiliziya Gatulika yari ifitanye na leta y’Ubutaliyani maze papa PIUS wa kane ahita avuga ko abaye imfungwa y’I Vatican maze bihera ubwo bimara imyaka isaga 60 kugeza ubwo ibibazo byarangiriye maze bakongera gusubira mu buzima nk’ubwa mbere.

Abasirikare ba papa bagomba kuva muri Suisse honyineabantu batari bake batekereza ko abantu bose baba I Vatican ari aba padiri mu buryo bumwe cyangwa ubundi ariko ibi siko biri. Abarinda papa bazwiho ku kuba basa kandi bareshya mu buryo bigoye kubatandukanya Batangiye kurinda muri Vatican muri 1506 ubwo papa JULIUS wa kabiri yafataga icyemezo cyo kubazana bakajya bamurinda maze akabahemba nkuko abandi barinzi bose bahembwa. Aba nta kindi gihugu bavamo kitari ubusuwisi, baba bareshya bambaye kimwe, no ku masura baba benda gusa kuburyo kubatandukanya bigoye, ku bijyanye n’imyitozo ntibagereranywa kuko bakora imyitozo idasanzwe, bakaba ari abasirikare bagomba kuba hagati y’imyaka 19 na 30 . Aba iyo batoranyijwemo gukora umurimo wo kurinda papa barahira tariki 6 Gicurasi bakarahira mu rurimi rw’ikidage. Buri murinzi wese akorerwa umwambaro we ku giti cye. Ntago imyenda yabo ikorerwa hamwe. Imyenda bambara iba ipima ibiro 3.6. Bivugwako buri wenda utwara amasaha 32 kugirango udodwe.

I Vatican aba papa bafite ubuhungiro bw’ibanga.Umuntu ukomeye kurusha abandi muri Vatican yose ni papa hatitawe ku myaka ahamaze cyangwa ibindi byose ahubwo kuba ari papa birahagije. Kumurinda rero ni ikintu cy’agaciro cyane, iyo niyo mpamvu mu mwaka wa 1277 hubatswe inzira itwikiriwe ifite uburebure bwa metero zisaga 800 iva I Vatican ikagera aho bita Saint Angelo I Roma. Iyi nzira yitwa Passetto di Borgo.Iyi yari inzira y’ibanga ishinzwe kuzakoreshwa mu butabazi mu gihe habaye ikibazo, iyi yaje kugira akamaro gakomeye mu mwaka a 1527 igihe umwami Charles wa gatanu yicaga aba padiri n’abandi bihaye Imana bo muri Vatican maze abarinzi ba papa bagakora ibishoboka bakamutinza cyane kugeza ubwo papa yaciye muri ya nzira agahunga maze akarokoka ariko abantu 147 bakahasiga ubuzima.

Umubare munini w’abanye Vatican baba hanze yayo.Birasa nk’ibitumvikana ukuntu abantu b’abanyagihugu baba hanze y’igihugu baba ari benshi kurusha abari imbere mu gihugu ariko biba ukuri iyo tugeze I Vatican, mu mwaka wa 2011, abantu bose bari bafite ubwenegihugu bwa Vatican bari 594 bose hamwe ariko abari bari imbere muri Vatican ni aba cardinal 71, abarinzi bo muri Suisse 109, abantu 51 baba padiri n’abandi bashinzwe iyobokamana n’umubikira umwe hamwe na papa, aba bose ni abantu 233, abandi bose basigaye babaga hanze ya Vatican. Ibi biragaragara neza ko ababaga hanze aribo benshi kurusha ababaga mu gihugu imbere, ababaga hanze bose ni ababa batumwe bari mu kazi.

Benitho Mussolini niwe watanze uburenganzira kuri Vatican bwo kuba igihugu kiigenga(Cardinal Pietro Gasparri na Benito Mussolini bari gusinya amasezerano yeremerera Vatican kuba igihugu cyigenga. Aha kandi hemejwe yuko idini gaturika ariryo ryonyine rya leta y’ubutaliyani.)Abasanzwe bazi amateka ntibishoboka ko bwaba ari ubwa mbere bumvishe iri izina Mussolini, uyu rero akaba afatwa nk’umuntu w’umugome wo ku rwego rwo hejuru, ntawe bitatangaza kumva ko ariwe wemeje ko Vativan iba igihugu cyigenga. Ibi bikaba byarabaye Nyuma yo kutumvikana gukomeye kwari hagati ya kiliziya Gatulika na leta y’ubutaliyani. mu mwaka wa 1929 nibwo hasinywaga amaseerano yiswe “ Accords du Latran” yemerera Vatican kuba icyicaro cya kiliziya Gatulika kandi ikanaba igihugu cyigenga nubwo iri hagati mu butaliyani maze leta yemera guha kiliziya amafaranga angana na miliyoni 92 z’amadorari ahwanye narenga miliyari y’amadorari mu gaciro k’amafaranga y’ubu, nyuma y’ibyo byose Mussolini. Akaba yarabyemeye ashyira umukono we ku masezerano yemera Vatican gutangira gukora nk’igihugu ndetse ikabona n’ubwigenge busesuye.

Iki nicyo gihugu kinywebwamo inzoga nyinshi ku isi Ikigo wine institute giherutse gutangaza ko Umugi wa Vatican uza imbere mu bihugu binywerwamo inzoga ku isi kuko umuntu waho anywa litilo 54.26 ku mwaka,gusa hari impamvu z’ibi kuko ngo ni ukubera divayi ikoreshwa mu gutura igitambo cy’Ukaristiya.

Aha ntabwo ariho Papa yahoze atuyeMbere y’uko Vatican iba umugi PAPA yari atuye hafi n’umugi wa Rome kuko mu mwaka w’ 1309 kugeza mu 1377 aba Papa barindwi babaye kandi bayoborera I Avignon mu Bufaransa.Inkuru mpamo z’amateka zivuga ko Mutagatifu Petero wabambiwe ku musozi wa Vatican, akanashyingurwa ku ndiba yawo aho Bazilika Nkuru yamwitiriwe yubatse uyu munsi.Abaturage batuye Vatican bagira Farumasi yabo yihariye, uburyo bwabo bw’itumanaho, kashe, pasiporo, ibitangazamakuru nka Radio, uburyo bwo kubitsa amayero ari nayo bakoresha, ibendera n’indirimbo yubahiriza igihugu ndetse n’ingabo zicunga umutekano wa Papa mu buryo bwihariye kuva mu 1506.

Ingoro ya Vatican ishamikiyeho inyubako nyinshi zifite ibyumba bisaga 1000 aho bimwe ari ibituwemo n’abakozi ba Vatican, ibisengerwamo, inzu ndangamurage, ibyumba by’inama n’ibiro abayobozi bakoreramo.Umushumba wa Kiliziya Gatolika atuye ahazwi nka “The Palace of Sixtus V” hitiriwe uwabaye Papa mu kinyejana cya 16. Ahazwi nka Sistine Chapel ni ho habera amatora ya Papa mushya kuva mu 1878. Papa ni we mwepisikopi mukuru wa Roma na Cathédrale ye ikaba ari ho ibarizwa.Bazilika yitiriwe Mutagatifu Petero ni rwo rusengero rwa gikirisitu rwa kabiri runini ku isi nyuma ya Bazilika ya Yamoussoukro iherereye muri Côte d’Ivoire.

Umusingi wa Bazilika yitiriwe Mutagatifu Petero wubatswe mu gihe cy’imyaka 120 hanyuma ibijyanye n’ubundi bwubatsi, gusiga amarangi no gushyiramo ibikorwa by’ubugeni bitwara imyaka igera kuri 200.Iyi kiliziya ibumbatiye amateka akomeye kuko haherereye imva nyinshi z’abashumba ba Kiliziya Gatolika ndetse na Papa wa mbere ari we Mutagatifu Petero akaba ari ho yashyinguwe.

Related post

Leave a Reply

Your email address will not be published.