Menya byinshi kuri Rose Mhando wapfuye akazuka

 Menya byinshi kuri Rose Mhando wapfuye akazuka

Umiririmbyi mpuzamahanga uririmba indirimbo zo kuramya no guhimbaza Imana, Rose Mhando ukomoka muri Tanzania, ni umwe mu bantu Imana yahamagaye ngo bayikorere ibakuye kure.

Uyu muramyi wari umupagani ariko akaza kubona agakizanyuma yo gukira uburwayi bukomeye, mbere yo guhamagarwa mu murimo w’Imana yabitswe ko yapfuye inshuro nyinshi.

Uyu muramyi ukunzwe ku isi yose w’umunyatanzaniya yavukiye mu muryango w’Abasilamu, yakijijwe nyuma yo kumara imyaka itatu arwaye bikomeye yibera kwa muganga. Nyuma nibwo yabaye ikirangirire mu ndirimbo zihimbaza Imana mu karere k’ibiyaga bigari ndetse no hanze y’Afurika y’Uburasirazuba.

Mhando yakuze ajyaga gusengera mu musigiti wo hafi y’iwabo ndetse aniga mu kigo cy’Abayisilamu cyitwa Madrasa

Mhando ubwo yari afite imyaka 9 yaje kurwara bikomeye amara imyaka 3 mu bitaro. Ababyeyi be bakoze igishoboka cyose ngo bamuvuze akire, yemwe bamujyana no mu bapfumu ariko biranga.

Aha yaje kumva amateka y’umugabo witwa Yesu Kristo maze yumvise ibye amwakira mu buzima bwe nk’umwami n’umukiza we.

Rose Mhando akimara kwakira Yesu yagize impinduka mu buzima bwe maze akira na bwa burwayi, nubwo umuryngo we wamutoteje cyane kubera icyemezo yari yafashe.

Yatangiye umuziki wo kuramya no guhimbaza Ilana nk’uwabigize umwuga yigisha indirimbo muri Chorale ya Saint Mary ibarizwa mu rusengero rw’Abangilikani rwa Chimuli mu mujyi wa Dodoma.

Mu waka wa 2005 yatwaye ibihembo bikomeye mu gihugu cya Tanzaniya aho yabaye umuhanzi wa mbere wahimbye indirimbo y’umwaka, umuramyi mwiza w’umwaka, ndetse Album ye iba iy’umwaka mu bihembo bya “Gospel Music Award Concert”.

Muri uyu mwaka kandi nibwo yifatanyije n’abandi bahanzi ba Gospel muri Tanzania bashaka inkunga yo gufasha imfubyi zo mu mujyi wa Dar es Salaam.

Mu kwezi kwa Gashyantare 2011 Mhando yasinyanye amasezerano yo gukorana na Label ya Sony Music aho yamufashije gukora kuri Album ze nyinshi. Amasezerano yari yasinye kuwa 9/02/2011 nibwo bwa mbere hari habonetse umuhanzi usinyira amafaranga menshi muri Afurika y’Iburasirazuba mu mateka yayo.

Indirimbo Rose Mhando yakoze kandi zikamugira ikimenyabose ni izi “Mteule Uwe Macho (2004), Kitimutimu (2005), Jipange Sawasawa (2008), Nyota ya Ajabu (2010), Utamu Wa Yesu (2011), Nampenda Yesu (2017) ,Jitenge Na Lutu (2017), Hangriema yakoranye na Chorale ye (2017), na Usife Moyo (2018).

Ibihembo yatwaye bikomeye ni ibi bikurikira: mu mwaka wa 2005 muri Tanzaniya “Tanzania Music Awards”: yabaye umugore w’umwaka wakoze indirimbo yo kuramya no guhimbaza Imana (Best Female Vocalist & Best Religious Song) abikesha iyi ndirimbo ya (“Mteule uwe macho”). Mu mwaka wa 2009 yabaye: The Best Tanzanian Gospel Singer Awards: Rose Mhando; The Best Singer in Tanzania, yahembwe Tsh 200,000 naTanzania Broadcasting Corporation TBC under the umbrella bitewe n’indirimbo ye yitwa “Nibebe”, ndetse na 2008 mu bihembo byatangiwe mu gihugu cya Kenya bya “Kenya Groove Awards”  yabaye umuhanzi wa mbere w’umugore mu bahanzi ba Gospel muri Afurika yose.

Related post

Leave a Reply

Your email address will not be published.