Mu Bwongereza: Abanyamadini baratakambira leta ngo yakire impunzi za Ukraine

 Mu Bwongereza: Abanyamadini baratakambira leta ngo yakire impunzi za Ukraine


Léonidas MUHIRE


Abayobozi b’idini gatolika mu mugi Londres barahamagarira leta y’u Bwongereza gukora uko ishoboye mu kwakira impunzi ziva muri Ukraine vuba bishoboka kuko zikeneye ubuhungiro n’ubutabazi mu buryo bwihuse.

Arikiyepiskopi w’umugi wa Westminster mu Bwongereza Karidinali Vincent Nichols, na Umwepiskopi w’agace ka Southwark, Christopher Chessun, bari mu bashyize umukono ku ibaruwa baruwa isaba ko ingingo zimwe zijyanye no gukora ubutabazi zavugururwa kugira ngo impunzi zose zo mu gihugu cya Ukraine zibashe kubona amahirwe yo kwinjira byoroshye mu gihugu cy’u Bwongereza.

Abayobozi b’amadini mu Bwongereza bavuga ko hari abana n’ababyeyi babo bari kunyura mu bibazo nk’iby’abari mu Ntambara ya Kabiri y’Isi yose kandi kandi ko igihugu cy’u Bwongereza gifite uburyo n’ububushobozi bwo kurengera abo bari mu kaga. Mu ibaruwa bagize bati: ”Ibihe by’intambara bisaba ko ibintu bikorwa vuba kandi hakabaho koroshya inzira zisanzwe no gukuraho inzitizi zikomeye zishobora kubangamira abatakaje ikizere cy’ubuzima. Nk’uko umubare w’abaturage ba Ukraine bashaka icumbi hanze ya Ukraine bivugwa ko uzagera kuri miliyoni ebyiri, ntitwabura gushimangira ko byihutirwa gukora vuba kandi bidatinze. “Nk’abana n’abuzukuru b’abagizweho ingaruka n’intambara mu myaka mirongo irindwi ishize, ni inshingano zacu kurinda no kwakira abatugana bahura n’amahano nk’aya muri iki gihe, kuko bidakwiriye muri iki kinyejana cya 21”.

Umuryango Ushinzwe Imiturire n’Abaturage mu Bwongereza uvuga ko waatangije gahunda nshya yo gutera inkunga kugirango abanya-Ukraine bataye ingo zabo kubera intamabara mu rwego rwo kubahuza n’imiryango y’abagiraneza no kubafasha kubona ubuhungiro.

Iyi baruwa yanditswe nyuma y’inama y’abayobozi ba kiliziya gatolika yo mu mugi wa Londres yabaye ku ya 9 Werurwe uyu mwaka kuri Katedrali Gatolika ya Ukraine y’Umuryango Mutagatifu.

Related post

Leave a Reply

Your email address will not be published.