Mu Bwongereza :Umugore yamaze imyaka hafi icumi ahohoterwa n’umupadiri

 Mu Bwongereza :Umugore yamaze imyaka hafi icumi ahohoterwa n’umupadiri


Léonidas MUHIRE
Musenyeri Dr Peter Jonathan Wilcox wa diyosezi Anglikani ya Sheffield mu gihugu cy’u Bwongereza kuri uyu wa 29 Werurwe 2022 yasabye imbabazi mu rukiko ku ihohoterwa umupadiri yakoreye mugore mu gihe kingana n’imyaka 9 muri iyo diyoseze abereye umuyobozi.

Inkuru dukesha ikinyamakuru ‘Premier Christian News’ ivuga ko nyiri ugukora iki cyaha ari padiri Hilary Alflatt aho yakoreye ihohoterwa ribabaza umubiri umugore utatangajwe amazina mu rubanza. Iri hohotera ryakozwe n’uyu mushumba ryabaye kuva mu mwaka w’1983 kugeza mu w’1992 bikorewe ku macumbi y’abapadiri ba diyosezi ya Sheffield aho uwo mupadiri yabaga.

Umwe mu bashinjacyaha witwa Louise Reevells yabwiye urukiko ko padiri Alflatt waburanishwaga atari mu rubanza yari umuntu uteye agahinda mu mwanya w’ubuyobozi yari afite watumye akora ihohoterwa.

Ubushinjacyaha bwagarargaje ko muri icyo gihe kingana n’imyaka icyenda yose uwo mupadiri yahaoteraga uwo mugore amaukubita inkoni yo mu giti cy’umugano. Ubwo hakorwaga ubugenzuzi mu idini Angilikani ry’u Bwongereza Padiri ntiyahakanye icyo cyaha kandi yahise asezera mu murimo w’Imana. Yahamijwe icyaha cyo gukubita no gukomeretsa yifashishije inkoni.

Nyuma y’urubanza, Musenyeri Dr Wilcox wa Sheffield yavuze ko biteye isoni n’agahinda mu kumva inkuru nk’iyo mu idini ry’u Bwongereza ndetse anasaba imababazi. Ygize ati: “Biteye isoni cyane kuba uwahoze ari umupadiri mu Idini ry’Ubwongereza, akorera muri iyi diyosezi ya Sheffield inteko y’abacamanza yasanze yarakoze icyaha cyo gukubita no gukomeretsa hafi imyaka 10. Nifuzaga gusaba imbabazi bidasubirwaho ku wakorewe icyaha kuko yababajwe kandi mboneraho no kumushimira ubutwari yagize mu kuza gushaka ubutabera…,
Twakoranye cyane n’abapolisi n’inzego zemewe n’amategeko muri iki gikorwa kandi dukomeje gusaba umuntu wese wababajwe n’iyi nkuru ko yatanga amakuru”.

Related post

Leave a Reply

Your email address will not be published.