“Mu mafuti yanjye ntiwigeze untererana, warakoze”-Umuramyi Feza Myli

 “Mu mafuti yanjye ntiwigeze untererana, warakoze”-Umuramyi Feza Myli

Umuhanzikazi uririmba indirimbo zo kuramya no guhimbaza Imana, Feza Myli, yasohoye indirimbo nshya yise ‘Ibihumbi’ irimo ubutumwa bugamije gushishikariza abantu bose kwibuka aho Imana yabakuye maze bakayishima.

Muri iki gihangano cy’umyuka harimo amagambo agira ati: “Mu mibare irenga ibihumbi by’ibyo waremye nanjye nisanzemo. Mu mafuti yanjye ntiwigeze untererana warakoze.”

Feza akomeza aririmba ati: ” Twari tumeze nk’indabyo zidateye ubwuzu, mu ruhame rw’abantu twari igisuzuguriro, twabonye ineza yawe mu gihe gikwiriye, utagushima yaba nde Mana we.”

Mu kiganiro cyihariye yagiranye n’umunyamakuru wa Nkundagospel, Feza Myli yatangaje ko yishimira urwego amaze kugeraho ariko ahishura ko agifite byinshi atarageraho, dore ko yifuza gushyira umuziki we ku rwego mpuzamahanga. Yagize ati:

“Ndashimira cyane Imana ikomeje kumfasha kuzamura impano yanjye yo kuramya no guhimbaza ariko kandi nifuza gukomeza gukora kugeza ubwo umuziki wanjye uzarenga imbibi za Africa, ibyo byose nzabigeraho mbifashijwemo no gusenga Imana hamwe no gukora cyane.”

FEZA Myli ni umuramyi ubarizwa mu Karere ka Musanze, mu Itorero ry’Angilikani, akaba anaririmba mu itsinda ryitwa ‘Living Hope Group’ rikorera umurimo muri Diyosezi ya Shyira. Feza Myli akaba amaze kugira indirimbo 5 muri zo izifite amashusho ziaaba ari ebyiri.

Knda hano urebe indirimbo nshya

Protais MBARUSHIMANA

http://www.nkundagospel.rw

Related post

Leave a Reply

Your email address will not be published.