Mubogora Desire umenyerewe muri True Promises yasohoye indirimbo nshya yise “Ntubeshya” yongera kwibutsa abantu ko Imana itabeshya

 Mubogora Desire umenyerewe muri True Promises yasohoye indirimbo nshya yise “Ntubeshya” yongera kwibutsa abantu ko Imana itabeshya

Mubogora Desire akaba azwi ku izina rya Dizayah umunyempano akaba umuramyi mu muziki uhimbaza Imana, umurirmbyi wa True Promises yasohoye indirimbo nshya y’amashusho yise ‘Ntubeshya’ ni ndirimbo ibwira abantu ko nubwo amasezerano yatinda azasohora kuko Imana itabeshya.

Mubogora umenyerewe muri True promises ahamya ko Imana itabeshya

 Mubogora usanzwe uzwi cyane mu itsinda rya True Promises akaba n’umutoza w’andi ma korali n’andi matsinda atandukanye. Uyu musore akaba ari muri bamwe barangije mu ishuri ryigisha umuziki ku Nyundo.

Mubogora yabwiye, NKUNDAGOSPEL ko indirimbo yahimbwe ngendeye ku magambo ari muri Yesaya 43 byamuteye gutekera ku masezerano Imana itanga.

Yagize ati “rimwe na rimwe duca muri byinshi kugira ngo tujyere ku masezerano, tujya twibagirwa ko ari Imana yabivuze. niyo mpamvu navuze ko Imana izangirira neza igihe cyawe ni kigera amasezerano yawe azasohora.’’

Mubogora ahamya ko nawe aya magambo yamukozeho bitewe ni nzitizi umuntu agenda ahura nazo mu buzima bituma mfata umwanzuro wo guhimba iyi ndirimbo.

Yakomeje ati “ndashimira Imana ko iyi  ndirimbo yakoze abantu ku mitima yabo ku buryo ntatekerezaga. Imana ishimwe ko yanciye kugira ngo ntange ubutumwa bwongera gukangura abantu kandi abakunzi banjye mbahishiye byinshi bakomeze badusengere banakurikira ibihangano byacu kuri Youtube yanjye yitwa DIZAYAH 250”.

Mubogora amaze gukora indirimbo esheshatu, indirimbo ebyiri nizo amaze gukorera amashusho. Yatangiriye kuririmba muri korali Revival kuva mu bwana bwe ibarizwa muri ADEPR Cyarwa mu rurembo rwa Huye. Yaririmbye muri Gisubizo Ministries ubwo yigaga ku Nyundo. Yakoranye na korali Holy Nation indirimbo yakunzwe na benshi yitwa “Nzabana na Yesu” uyu muramyi kandi akaba  n’umutoza w’andi makorali na matsinda atandukanye.

 Uyu musore kandi yanagaragaye mu gitaramo IKIDENDEZI LIVE CONCERT afasha korali UKUBOKO KW’ IBURYO baririmba indirimbo yitwa “Hashimwe Yesu” ya classic itamenyerewe  mu itorero rya ADEPR.iki gitaramo  cyari yateguwe na Korali UKUBOKO KW’ IBURYO. Si aho gusa kuko no mu gitaramo cyashimishije benshi cya James na Daniella, MPA AMAVUTA LIVE CONCERT, Mubogora naho yari afite inshingano zo gufasha no gutegura bamwe mu baririmbyi bari kuririmba muri icyo gitaramo.

REBA HANO INDIRIMBO NSHYA YA MUBOGORA

Related post

Leave a Reply

Your email address will not be published. Required fields are marked *