Musenyeri Hakizimana yaryumyeho yanga kugira icyo atangaza ku mupadiri umushinja kumwangisha umuhamagaro

 Musenyeri Hakizimana yaryumyeho yanga kugira icyo atangaza ku mupadiri umushinja kumwangisha umuhamagaro

Musenyeri wa Diyosezi ya Gikongoro, Hakizimana Célestin, yavuze ko ntacyo yatangaza ku ibaruwa ya Padiri Ingabire Emmanuel iherutse kujya hanze avuga ko uyu mushumba ariwe watumye asezera ku murimo w’Ubupadiri kubera uburyo yamutereranye mu burwayi bwe.

Mu cyumweru gishize, nibwo ku mbuga nkoranyambaga hakwirakwijwe ibaruwa yanditswe na Ingabire Emmanuel amenyesha Musenyeri Hakizimana ko asezeye ku muhamagaro w’Ubupadiri bitewe n’uburyo we na diyosezi bamutereranye.

Ubwo Musenyeri Hakizimana yasabwaga kugira icyo yabivugaho, yavuze ko ntacyo afite yabivugaho, ko ndetse atakwemeza ko ari ukuri cyangwa ibinyoma.

Ati “Ntacyo nabivugaho, imyanzuro yafatiwe umupadiri wanjye sinayifatiye abanyamakuru. Imyanzuro rero ireba padiri nayifatiye. Sinavuga niba aribyo cyangwa atari byo kuko Musenyeri yandikirana ibaruwa n’Umupadiri ntabwo yandikirana n’umunyamakuru.”

Inkuru yo gusezera k’Ubupadiri kwa Ingabire wari umaze amezi atagera kuri atanu yiyeguriye Imana yamenyekanye ku wa 14 Mutarama 2022. Yari umupadiri muri Paruwasi ya Kizimyamuriro muri Diyosezi ya Gikongoro.

Related post

Leave a Reply

Your email address will not be published. Required fields are marked *