‘Narababariwe’ indirimbo yuje amagambo y’isanamitima ya Sam Rwibasira

 ‘Narababariwe’ indirimbo yuje amagambo y’isanamitima ya Sam Rwibasira

Umuhanzi Sam Rwibasira uririmba indirimbo zo kuramya no guhimbaza Imana yakoze indirimbo ‘Narababariwe’ yibutsa abantu ko Imana ari inyembabazi kandi ubuntu bwayo buhoraho iteka.

Uyu muhanzi ugaragaza impano idasanzwe mu kuririmba cyane ko yanize umuziki mu ishuli ryahoze ku Nyundo rikaba kuri ubu ribarizwa mu karere ka Muhanga mu ntara y’amajyepfo, mu kiganiro yagiranye na nkundagospel yavuze ko indirimbo’Narababariwe’ yamujemo arimo gutekereza ku gitambo cy’igorogota ku musaraba impamvu Yesu yapfuye akazuka, n’icyamuzanye ku isi.

Agaruka k’ubutumwa bukubiye mu ndirimbo ‘Narababariwe’ Sam Rwibasira yagize ati: “Nashakaga kubwira abantu ko buriya Adam amaze gucumura habayeho icyaha kiremereye cyazanye umuvumo k’umuntu wese wakomotse kuri Adamu ariko Yesu aje ku isi ahita aba igitambo kimwe gikuraho icyo gicumuro cyari cyaratuzaniye umuvumo bituma tubona ubugingo nk’uko handitse muri Yohana ngo ‘kuko Imana yakunze abari mu Isi cyane byatumye itanga umwana wayo w’ikinege kugira ngo tubone ubugingo buhoro’ ni ukuvuga ngo kwitanga kwa Yesu kwaduhaye ubugingo buhoraho ku muntu wese umwizera niyo mpamvu navuze ngo narababariwe kuko Adamu yaracumuye twese tubarwa nk’abanyabyaha Yesu apfuye twese tubarwa nk’abakiranutsi.

Sam Rwibasira ni umuhungu wa Rev. Pastor Rwibasira Vincent umwe mu bashumba muri Bethesda Holy Church ku Gisozi ari naho asengera ndetse ni n’umuririmbyi mu makorali atandukanye yo muri urwo rusengero nka Boanerges Gospel Group na Worship Team na New Melody akaba yaramenyekanye cyane mu ndirimbo ‘Naramubonye’.

Related post

Leave a Reply

Your email address will not be published. Required fields are marked *