‘Ndagutegereje’ indirimbo ihumuriza abafite isezerano ry’Imana ya Ishimwe Lorie

 ‘Ndagutegereje’ indirimbo ihumuriza abafite isezerano ry’Imana ya Ishimwe Lorie

Umuhanzikazi Ishimwe Lorie wamenyekanye mu ndirimbo zo kuramya no guhimbaza Imana nyuma yo gukora igitaramo yise ‘Ndabimenye Live Concert’ cyishimiwe n’abatari bake yongeye gukora ku mutima y’abakunzi be ashyira hanze amashusho y’indirimbo ‘Ndagutegereje’ yibutsa abizera ko badakwiriye gucika integer kuko iyo bizeye izasohoza ibyo yavuze.

Ishimwe Lorie mu kiganiro yagiranye na Nkunda Gospel yatangaje ko igitekerezo cyo gukora indirimbo ‘Ndagutegereje’ cyaje ubwo yicaraga agatekereza k’uburyo yanyuzemo ndetse n’amasezerano Imana yamuhaye atarasohora.

“Iyi ndirimbo ishingiye ku nkuru mpamo y’ubuzima bwanjye. Naricaye nitekerezaho nibuka ibihe bigoye nanyuzemo ariko kandi nibuka amasezerano nahawe n’Uwiteka ayasohoye ndetse n’atarasohora bityo nsanga nkwiriye gukomeza gutegereza isaha y’Imana ikagere bityo ibyo yansezeranyije bigasohora. Biyo nkaba nibutsa abazumva iyi ndirimbo bose ko iyabahaye isezerano itajya ibeshya kandi ibyo yavuze no kubikora izabikora bityo ko icyo bakwiriye gukora ari ugutegereza bihanganye.”

Umuhanzakazi Ishimwe asoza ashimira kompanyi Wayafrica imufasha gutegura no gutunganya umuziki we anifuriza abumva ikinyarwanda bose kuzahirwa nab yose muri uyu mwaka wa 2022 anabasaba kuzakomeza kumuha hafi.

Ishimwe yamenyekanye mu ndirimbo zakunzwe n’abatari bake nka: Yesu yaratsinze, Umva Ijwi, Yesu ni Umugabo, Ndi Umwana mu rugo, Ndabimenye, n’izindi, bigaragarira ku rubuga rwe rwa YouTube

Related post

Leave a Reply

Your email address will not be published. Required fields are marked *