“Ndasaba Roho Mutagatifu kugenderera abatarasobanukirwa n’ibyiza by’urukingo” Min. Gatabazi

 “Ndasaba Roho Mutagatifu kugenderera abatarasobanukirwa n’ibyiza by’urukingo” Min. Gatabazi

Mu gihe abantu bamwe na bamwe bakomeje kwanga guhabwa urukingo rwa COVID 19 kubera imyemerere ijyanye n’amadini, Minisitiri w’Ubutegetsi bw’Igihugu Gatabazi Jean Marie Vianney yasabye Roho Mutagatifu ko yabagenderera akabumvisha ibyiza byo gufata urukingo rwa COVID 19.

Ibi yabitangaje ubwo yari yasuye icyumbantangamakuru kuri COVID 19 giherereye mu karere ka Rubavu, aho yanatangaje ko ntamunyarwanda ugomba kurenza italiki 31 Ukuboza 2021 atarakingirwa kandi ari mu byiciro by’abagomba kwikingiza.

Yagize ati:” Ndasaba Roho Mutagatifu kugenderera abantu bakomeje kwanga gufata urukingo, maze akabumvisha akamaro ko kwikingiza icyorezo cya COVID 19.”

Yakomeje agira ati:” Ubuzima ni ubwawe ariko igihugu gifite inshingano zo kugufasha kugira ngo butere imbere…Ntamuntu wemerewe kurenza taliki 30 Ukuboza 2021atarahabwa urukingo rwa COVID 19.”

Hari abantu bakomeza guhuza uru rukingo rwa COVID 19 n’imyemerere yabo aho bavuga ko ari ikimenyetso cy’inyamaswa na Anti-Kristu bivugwa mu buhanuzi bwa Yohani.

Ibi biri gutuma bamwe bafata umwanzuro bagahunga igihugu bakajya mu bihugu by’abaturanyi.

Ubushyize twabagejejeho inkuru y’abagore 3 n’umugabo umwe bahungiye mu Burundi kubera kwanga guterwa uru rukingo, gusa abayobozi banyuranye bakomeje kumvisha aba baturage ko uru rukingo ari rwiza ku buzima ndetse ko ntaho ruhuriye n’imyerere.

Minisitiri Édouard Bamporiki nawe aherutse gutangaza amagambo asa n’aninura abanga kwikingiza kubera imyemere.Ubwo igihugu cya Israël cyemezaga urukingo rwa kane, Minisitiri Bamporiki yaragize ati:”Mubwire abanga kwikingiza ngo Imana ya Israël itazabarimbura, ko iyo Mana yategetse Abisiraheli gufata urukingo rwa kane.”

Kugeza uyu munsi, mu Rwanda, umuntu utarafata urukingo rwa COVID 19 namwita ‘NTAHOMPAGAZE’ kubera ko atemerewe kujya mu isoko, gusenga, mu birori binyuranye, kujya mu modoka rusange, kuva mu mujyi ajya mu wundi ndetse no guhabwa zimwe muri serivisi umuturage akenera ku buyobozi.

Related post

Leave a Reply

Your email address will not be published. Required fields are marked *