New Generation Revival yateguye ibihe byiza by’ amasengesho yo Gusengera ububyutse

 New Generation Revival yateguye  ibihe byiza by’ amasengesho yo Gusengera ububyutse

New Generation Revival yateguye iteraniro ry’ ububyutse rizaba ku cyumweru tariki ya 27 Gashyantare 2022, rikaba rifite intego igira iti: “umutima uririra ububyutse (Heart Cries For Revival)”.

Mu kiganiro Bwana Nkurunziza Denis, umuyobozi wa New Generation For Revival, yagiranye na Nkunda Gospel yatangaje ko iri ari ihishurirwa Imana yabahaye, nyuma yo kubona ukuntu urubyiruko rugenda rwangirika umunsi ku munsi, Satani akagenda arwigarurira mu buryo butangaje kandi bugira ingaruka mbi cyane kuri bo no kuhazaza habo.

Bwana Nkurunziza yagize ati:

“Imana yaduhaye ihishurirwa ryo kwihuza nk’urubyiruko kugira ngo dutabare bagenzi bacu Satani yamaze kugira imbata.Twumva dukwiye kwikorera umutwaro wo kuvuga ubutumwa kugira ngo dutarure izo ntama zazimiye n’ abakijijwe ariko bari mubuyobe bw’inyigisho zipfuye.” Akomeza ati:

“Uyu mutwaro ukomeza kuturemerera cyane, no kumva ijwi ry’ Imana riduhata ritubwira ngo duhaguruke n’imbaraga zacu zose, dugafatanye n’ abandi duhuje umutwaro, hari icyo Imana yadukoresha mu ntege nke zacu, ikatwuzuza imbaraga zayo, mu guhembura ubwoko bwayo n’ umurimo wayo.”

Muri iryo teraniro ridasanzwe rizaba ririmo imbaraga z’Imana, EV. Huduma James niwe Mutumirwa uzigisha urubyiruko kuri uwo munsi, ndetse intego nyamukuru ari ugusengera ububyutse mu rubyiruko.

Iri teraniro kandi rizitabirwa n’ abahanzi baririmba indirimbo zo kuramya no guhimbaza Imana bakunzwe muri iki gihe nka Savant & Ange, Jado Sinza na Ishimwe Joshua, Kikazabera Zion Temple Kimironko (KG 11 Ave).

New Generation Revival ni itsinda ry’urubyiruko rukijijwe rwishyize hamwe ruturuka mu nsengero zitandukanye kugira ngo rubature abagizwe imbata na Satani, cyane cyane mu rubyiruko.

Related post

Leave a Reply

Your email address will not be published. Required fields are marked *