“Ntakure Imana itagukura, ntakure Imana itakugeza”-Aline Gahongayire

 “Ntakure Imana itagukura, ntakure Imana itakugeza”-Aline Gahongayire

Umuhanzikazi nyarwanda wubatse izina mu ndirimbo zo kuramya no guhimbaza Imana, Aline Gahongayire, yasohoye amashusho y’indirimbo yise ‘Rendez vous’ aho yashimangiye ko ntahantu kure Imana itagukura ndetse ko ntahantu kure Imana itakugeza.

Muri iyi ndirimbo iryoheye amatwi ndetse yuje umudiho, humvikanamo amagambo akomeye ndetse agera ku mutima ku buryo umuntu atatinya kuvuga ko iyi ndirimbo ivuga ku nkuru mpamo.

Hari aho aririmba ati:” Warahabaye igihe nari ngukeneye warahabaye.Ntiwemeye ko nandagara, ntiwemeye ko mba ikiganiro ku gasozi.”

Akomeza aririmba ati:” Nubwo nababaye cyane ariko warantabaye. Ntakure Imana itagukura, ntakure Imana itakugeza, komera kuri iyo mana burya irahari iteka.”

Aline Gahongayire yakomeje ahumuriza abantu ababwira ko isaha y’Imana yagennye kugutabariraho idashobora kurenga kabone nubwo waba ubona ukomerewe cyane. Bityo icyo uba ukeneye kurusha ibindi byose ni intwaro yitwa kwihangana. Yagize ati:

Hari igihe ugera mu kibazo ugatekereza ko Imana yagutaye ariko nubwo itagutabarira muri cyo muzahurira aho cyari kukwicira.”

Uyu muramyi wamenyekanye cyane mu ndirimbo zinyuranye zirimo ‘Ntabanga’, ‘Ndanyuzwe’, ‘Nzakomeza’, ‘izindi mbaraga’ ndetse n’izindi tutibagiwe no gukora ibikorwa by’urukundo byiganjemo gufasha imfubyi n’ababpfakazi ndetse n’abandi, abinyujije ku rukuta rwe rwa Instagram yahamije ko iyi ndirimbo ari imbano ageneye abantu bose agamije kubinjiza neza muri iyi minsi mikuru.

Rendez -vous

Related post

Leave a Reply

Your email address will not be published.