Nyakubahwa Janet Museveni yibukije umuhungu we gutinya Imana

 Nyakubahwa Janet Museveni yibukije umuhungu we gutinya Imana

Nyakubahwa Janet (Kataaha) Museveni, umufasha wa Perezida Museveni wa Uganda, yibukije umuhungu we Lt-General Muhoozi Kainerugaba, gutinya Imana, kuyikunda ndetse no kuyikorera ubwo bari mu birori byo kwishimira isabukuru ye y’amavuko.


Ibi byabaye ku italiki 24 Mata, mu ngoro ya Perezida, iherereye Entebbe muri Uganda, ubwo bizihizaga isabukuru y’imyaka 48 Muhoozi amaze avutse.


Uyu mubyeyi we, kimwe n’abandi benshi bamwohererezaga ubutumwa butandukanye, yamusabye kwifashisha umurongo wo muri Bibiliya uvuga ko Yesu yadusezeranyije ko atazadusiga cyangwa ngo adutererane. Yagize ati:


“Ndifuza kubwira Muhoozi, kuri uyu munsi yujuje imyaka 48, ko nzi neza ko Imana itazatureka cyangwa ngo idutererane nkuko yabidusezeranyije. Ngusabye ko mubyo ukora byose ugomba kujya wibuka gukunda Imana n’umutima wawe wose, ukayitinya ndetse ukanayikorera.”

Byumwihariko ku rubuga rwa Twitter abantu bakomeje kwifuriza Muhoozi umunsi mwiza w’amavuko banamuha impanuro zinyuranye.

Uwitwa Isaac Nuwamanya we yanditse ati:

“Uca bugufi imbere y’Imana niwe uzahabwa umugisha n’Isumbabyose kandi izamukuza.”

Mu banyacyubahiro bari bitabiriye ibi birori harimo Nyakubahwa Perezida Kagame, Intore Masamba ndetse n’abandi.


Umuryango wa Perezida Museveni usengera mu Itorero Angilikani ndetse ni umuryango ugendera ku mahame ya Bibiliya.

Related post

Leave a Reply

Your email address will not be published. Required fields are marked *