Obama avuze amagambo akomeye kuri Musenyeri Desmond Tutu witabye Imana

 Obama avuze amagambo akomeye kuri Musenyeri Desmond Tutu witabye Imana

Uwahoze ari Perezida wa Leta Zunze Ubumwe za Amerika, Balack Obama yatangaje ko Musenyeri Desmond Tutu witabye Imana ku munsi w’ejo yari umujyana we, inshuti ndetse n’umuyobozi haba uwa Obama ndetse n’isi yose.

Balack Obama mu magambo ye bwite abinyujije ku rukuta rwe rwa Twitter yagize ati:

“Musenyeri Desmond Tutu yari umujyanama wanjye, inshuti yanjye ndetse n’umuyobozi wanjye n’abandi.”

Perezida Obama kandi yavuze ko Musenyeri Desmond Tutu yarwanye intambara zo kubohora benshi harimo n’igihugu cye.

Yagize ati:

“Musenyeri Desmond Tutu kandi yarwanye intambara zikomeye zo kubohora abantu ndetse n’igihugu cye. Ikindi kandi yari yarambariye urugamba rwo kurwanya akarengane.”

Musenyeri Desmond witabye Imana taliki ya 26 Ukuboza 2021, yari amaze imyaka hafi makumyabiri arwaye kanseri (cancer) ya prostate. Asize umugore we Nomalizo Leah Tutu, abana bane n’abuzukuru barindwi.

Yari impirimbanyi iharanira imibereho myiza akaba n’uharanira uburenganzira bwa muntu wagize uruhare mu gutegura uburyo azashyingurwamo, avuga ko ashaka kuzashyingurwa ari ku cyumweru. Byitezwe ko uhereye uyu munsi abaje gutabara umuryango we batangira kugera mu rugo rwe i Cape Town.

Related post

Leave a Reply

Your email address will not be published. Required fields are marked *