Padiri Jean François uririmba Hip Hop yemeye gukorana indirimbo na Bushali ariko amubuza ikintu kimwe

 Padiri Jean François uririmba Hip Hop yemeye gukorana indirimbo na Bushali ariko amubuza ikintu kimwe

Umuhanzi akaba n’umuraperi mu ndirimbo zo kuramya no guhimbaza Imana, Padiri Jean François Uwimana, usigaye abarizwa mu gihugu cy’Ubudage, yatangaje ko yemeye gukorana indirimbo n’umuhanzi Bushali uririmba injyana ya Kinyatrap ndetse n’abandi bahanzi bose no mu Rwanda ariko avuga ko adakunda ibyo benshi muri abo bahanzi bakora bakabyita ‘gutwika’.

Mu kiganiro yagiranye n’umunyamakuru wa Nkundagospel yamunajije ko ashobora kwemera gukorana indirimbo n’umuraperi Bushali uherutse gutangaza ko agiye gushinga itorero, maze Padiri Uwimana asubiza ko ntacyo byaba bitwaye usibye ko adakunda umuntu ukora ibikorwa agamije gutwika. Yagize ati:

“Nubwo ntazi abahanzi benshi bo mu Rwanda ariko gukorana n’uwo muhanzi Bushali njye ntacyo bintwaye pe ariko nanone sinamwemerera biriya bakora ngo ni ugutwika. Nk’ubu koko urumva uretse gutwika Bushali yashinga itorero?” Yakomeje agira ati:

“Njyewe rwose sinkeneye gutwika kuko aho ngeze nateye imbere. Kuba Padiri ni ikintu gikomeye cyane, mbese nabaye uwo nifuzaga kuba. Rero kumbwira ngo ntwike njye numva ntacyo byamarira. Icyo nshize imbere ni ukugira ngo ubutumwa buri mu bihangano byanjye bugere kuri bose.”

Padiri Jean François Uwimana aherutse gutegura amarushanwa yo kubyina indirimbo ye yitwa igitangaza.

Ni indirimbo aherutse gusohora ari mu Budage aho asigaye atuye ndetse akorera ibikorwa byinshi by’iyogezabutumwa haba ibijyanye no kuririmbira Imana ndetse no gusoma misa.Ibi byose kandi Padiri Jean François Uwimana anabifatanya n’amasomo ari kwiga muri iyi minsi.

Iri rushanwa rigamije guha amahirwe abantu batandukanye bakunda kubyina gukoresha impano yabo maze bagatsindira ibihembo bitandukanye birimo no guhabwa ibihumbi 250 by’amafaranga y’u Rwanda.

Itsinda cyangwa umuntu ku giti cye ashobora gufata videwo ntoya y’umunota umwe hanyuma akayishyira ku rubuga rwa Instagram ugataginga @jeanfrancoisuwimana ubundi ukabona amahirwe yo gutsindira aya amafaranga.

Ushaka kumenya byinshi ku bihangano bye ndetse n’aho wakura iyo ndirimbo ubyina ukaba watsindira ibihumbi 250 Few, wasura YouTube channel ye yitwa ‘Ultra JFU’.

Iyi ndirimbo yaguhesha amafranga

Related post

Leave a Reply

Your email address will not be published. Required fields are marked *