Papa Françis asanga abana b’abatinganyi badakwiye kwitwa igisebo mu muryango

 Papa Françis asanga abana b’abatinganyi badakwiye kwitwa igisebo mu muryango

Umushumba wa kiliziya Gatorika ku isi, Papa Françis yasabye ababyeyi bafite abana b’abatinganyi, (LGBT), kubaba hafi bakabitaho aho kubahisha mu gikari bumva ko ari igisebo ku muryango.

Papa Francis yatangaje ibi Ku wa Gatatu ubwo yari mu kiganiro kivuga ku ndoto enye z’ikigo cya Mutagatifu Yozefu, kirera ndetse kinafasha abana batishoboye, aho mu bana kirera hagenda habonekamo abana b’abatinganyi maze imyemerere ikabagonganisha n’abandi Bana.

Papa Françis watanze urugero ku mubyeyi Yozefu, yavuze ko kuba umubyeyi bidakuraho guhangayika no kugira ubwoba ariko avuga ko icyambere ari ukwizera ko Nyagasani muri kumwe.

Yakomeje avuga ingorane abana n’ababyeyi bari guhura nazo, harimo ubukene, indwara z’ibyorezo, indwara zidakira, maze ageze ku babyeyi avuga ko hari n’abari guhangana n’abana babo babaye abatinganyi.

Ageze kuri iyi ngingo y’ubutinganyi yahise asaba ababyeyi bose kudaheza abo bana maze bituma abantu benshi batangira kujujura.

Ibi abari aho batangiye kubihuza na filimi mbarankuru yasohotse mu mwaka wa 2020, aho uyu mushumba yatangaje ko abaryamana bahuje ibitsina bafite uburenganzira bwo kuba mu miryango, ndetse anongeraho ko nabo ari abana b’Imana, bityo badakwiriye guhezwa. Aha abantu benshi batangiye kwibaza niba Vatikani yaba ishyigikiye ubutinganyi.

Mu gihe abantu bari bakomeje kwibaza byinshi banenga kiliziya Gaturika, Vatikani yasohoye itangazo ivuga ko abashyize hanze ayo mashusho hari amakuru y’ingenzi bakuyemo bituma ubutumwa nyirizina butakara.

Ijambo LGBT ryakoreshejwe hejuru, ni impine y’aya magambo: Lesbian, Gay, Besexual, Transgender, ribumbiyemo ubwoko bwose bw’abatinganyi.

Related post

Leave a Reply

Your email address will not be published.