Perezida wa Ukraine yashimiye Papa Françis

 Perezida wa Ukraine yashimiye Papa Françis

Perezida wa Ukraine Volodymyr Zelenskyy yashimiye Papa Françis kubera gukomeza kubasabira no kubasengera ngo amahoro agaruke anamubwira ko abanya Ukraine bashimye ubufasha bwe.

Yagize ati:“Ndashimira Papa Françis kubera ko ari kudusengera ngo amahoro agaruke muri Ukraine.Abanya Ukraine bishimye ubufasha bari guhabwa na nyirubutungane.”

Iki kiganiro cyabereye kuri telefoni cyabaye uyu munsi, taliki ya 26 Gashyantare 2022.

Mu itangazo ryashizwe ahagaragara na Bwana Matteo Bruni iki kiganiro kiganjemo amagambo y’agahinda ya Papa Françis avuga ko ababajwe n’abantu benshi bakomeje gupfira muri Ukraine, kubera ibitero by’Uburusiya.

Papa Françis aherutse kwandika ku rukuta rwe rwa Twitter avuga ko adashyigikiye igabwa ry’ibitero muri Ukraine. Yaragize ati:

“Yezu yatwigishije kurwanya ibikorwa bya sekibi dukoresheje intwaro z’Imana: Amasengesho no kwiyiriza ubusa. Icyampa umwamikazi w’amahoro agahoshya iyi ntambara.”

Iki kiganiro kibaye nyuma y’umunsi umwe gusa Papa Françis akoze uruzinduko rw’iminota 30 akajya kuganira na ambasaderi w’Uburusiya i Vatican aho yabasabaga guhagarika ibitero bari kugaba muri Ukraine.

Nanone kandi ejo ku wa Gatanu Papa Françis yahamagaye Majoro arikibishopu Sviatoslav Shevchuk, umuyobozi mukuru wa kiliziya muri Ukraine amubaza uko byifashe mu murwa mukuru wa Kyiv ndetse avuga ko yiteguye gukora icyo bizamusaba cyose ngo abafashe.

Related post

Leave a Reply

Your email address will not be published.