Papa Françis yasabiye umupadiri uherutse kwicirwa muri Kongo ahowe Imana

 Papa Françis yasabiye umupadiri uherutse kwicirwa muri Kongo ahowe Imana

Ubwo yari mu kiganiro rusange, umushumba mukuru wa Kiliziya gatolika ku isi, Papa Françis yasabiye Fr.Richard Masivi uherutse kuraswa urufaya rw’amasasu kugeza apfuye, ku italiki ya 2 Gashyantare 2022, muri Repubulika iharanira Demokarasi ya Kongo.

Papa Françis yasobanuye ko uyu mupadiri yakorewe urugomo akicwa azira kwamamaza ivanjili, dore ko yishwe akimara gusoma misa.

Papa Françis kandi yasabye umuryango w’uyu mupadiri kudacika intege mu rugendo rujya mu ijuru kubera urupfu rwe ndetse avuga ko ubwo butumwa bureba abakristu bose muri rusange.

Yakomeje avuga ko nubwo akarengane gakomeje gukorerwa abakristu ariko bidakwiye gutuma abandi bahagarika kwamamaza ubutumwa bwiza.

Ukwicwa kwa Fr.Masivi

Uyu mupadiri wari ufite imyaka 36 yasanzwe mu modoka yamaze gushiramo umwuka, yarasiwe mu gace kitwa Vusesa, hagati ya Kirumba na Mighobwe, muri Kivu y’Amajyaruguru.

Uyu mupadiri yishwe ari gusubira muri paruwasi ye, ubwo yaravuye gusoma misa ku munsi mpuzamahanga wa Consecreted Life, muri Kanyaboyonga.

Ubwo yabikaga iby’urupfu rwe Bishopu wa Butombo-Beni, aho uyu mupadiri yakoreraga, Melchisédec Sikuli Paluku, yatangaje ko umutima we wuzuye agahinda ndetse anatangaza ko iperereza ryatangiye gukorwa.

Umuhango wo gushyingura Padiri Fr. Masivi wabaye ku italiki 5 Gashyantare 2022.

Related post

Leave a Reply

Your email address will not be published. Required fields are marked *