Papa Francis yasutse amarira kubera Ukraine

 Papa Francis yasutse amarira kubera Ukraine

Umushumba wa Kiliziya Gatolika ku Isi, Papa Francis, yasutse amarira kuri uyu wa Kane, ubwo yagarukaga ku kababaro abaturage bo muri Ukraine barimo mu isengesho rusange ryabereye i Roma mu Butaliyani.

Uyu mushumba yafashwe n’amarangamutima ananirwa kuvuga mu masegonda nibura 30 ubwo yasabiraga amahoro Abanya-Ukraine bamaze amezi icyenda bahanganye n’ibitero by’u Burusiya.

Mu babonye Papa arira harimo n’Umuyobozi w’Umujyi wa Roma, Roberto Gualtieri, wari hafi ye nk’uko inkuru ya Euro News ibivuga.

Yaje gukomeza isengesho ariko yafashwe n’ikiniga asabira abana, abakuru, abagabo n’abagore bakomeje guhura n’akaga mu gihugu cyabo.

Iri sengesho ni kimwe mu bikorwa ngarukamwaka bya Papa byo kwizihiza umunsi mukuru wa ‘Bikiramariya utasamanywe icyaha’ utangwaho ikirihuko. Ni umugenzo umaze imyaka 168 ubanziriza ibihe bya Noheli mu gihugu.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *