Papi Clever yahishuye uko yaterese umugore we kugeza bemeranyije kurushinga

 Papi Clever yahishuye uko yaterese umugore we kugeza bemeranyije kurushinga

Abaramyi bakaba na ‘Couple’ ikunzwe cyane, Papi Clever na Dorcas bataramiye abiga muri Kaminuza y’u Rwanda Ishami rya Huye ndetse Papi Clever anabasangiza urugendo rwo kurambagiza no kwemeranya n’umugore we kubana mu cyo we yise umugambi w’Imana. Ibi babitangarije mu giterane kiswe ‘RASA Evangelical Week’ cyabererye muri Kaminuza y’u Rwanda Ishami rya Huye.

Iki gitaramo cyateguwe kandi gishyirwa mu bikorwa na ‘Rwanda Anglican Students Association’(RASA) ari  ryo huriro ry’Abanyeshuri b’Abanglikani biga muri Kaminuza y’u Rwanda Ishami rya Huye. Cyatangiye ku mugaragaro ku Cyumweru tariki ya 19 Kamena 2022 aho kuri uyu wa 25 Kmanena cyari bigeze ku munsi ubanziriza uwa nyuma ngo gisozwe.

Iki giterane mu minsi kimaze kiba cyakunzwe kurangwamo ibitangaza byinshi by’Imana aho hasengewe abantu benshi bagakira, abandi bagashima Imana k’ubwi’ibyifuzo bikomeye bari bafite byasubijwe ndetse hakagaragaramo n’umubare munini w’abakizwa bakagaruka kuri Yesu nk’uko intego y’igiterane igira iti: “Bringing the Kingdom of God” cyangwa se kuzana ubwami bw’Imana ku bantu.

Ku mugoroba wo kuri uyu wa gatandatu tariki ya 25 kamena  ni bwo hakiriwe ‘couples’ ebyiri z’abatumirwa imwe iririmba indirimbo zihimbaza Imana ari yo ya Papi Claver na Dorcasndetse n’iya Pastor Tom na Pastor Anitha ivuga ubutumwa cyangwa ikora mu mwanya w’ijambo ry’Imana. Ingingo baganirije imbaga yari aho yari umuntu ashobora gukundana cyangwa kugira umukunzi ariko agakomeza akamanura ubwami bw’Imana.

Papi Claver nyuma yo kuririmba na Pastor Tom na Anitha nyuma yo kubwiriza Ijambo ry’Imana bagiye imbere y’abanyeshuri babasangiza uko buri ‘couples’ zabo zagiye zikundana aho aho Papi Claver ariwe wabanje. Yagize ati: “Ngewe bwa mbere nakundanye n’umukobwa tuza gutandukana dupfuye ko nabonaga adahura n’uwo nifuzaga kandi atazamfasha kugera ku mugambi w’Imana inshakaho. Nyuma rero naje gukubitana na apucuri wange Dorcas maze umutima wange urambwira ngo ni uyu maze nange ndatereta kuko byari mu mugambi w’Imana biremera”. Kuri  Pasteri Tom we byaramugoye cyane kwemererwa urukundo n’umukunzi we bari kumwe ubu aho yatanze ikifuzo agasubizwa nyuma y’umwaka wose.

Mu butumwa abanyeshuri basigaranye ni uko guhakanira umuntu urukundo igihe ubona ari ngombwa atari icyaha kandi ko mbere yo kwemerera umuntu urukundo ugomba kubanza ukamushyira ku gipimo ukareba ko bihura neza n’uwo wifuza. Ikindi ni ngombwa gusenga Imana ikaguha umunzani upima neza kandi ukora neza ikindi ni uko ugomba kugira amaso y’umutima areba kure aho ay’umubiri atabona.

Ubusanzwe Papi claver na Dorcas ni abaririmbyi ku giti cyabo bakaba banabana nk’umugore n’umugabo aho bashinze urugo mu Kuboza kwa 2019 bakaba bafitanye abana babiri b’abakobwa. Mu gihe Pasiteri Tom na Pasiteri Anitha na bo ari umugore n’umugabo babana bakaba bose ari abapasiteri mu itorero rya ‘Christ Kingdom Embassy’.

Abandi babavugabutumwa n’abahanzi bitabiriye iki gitaramo harimo umuramyi Aime Frank wabanye, Pasiteri Sosthene SERUKIZA, NSHUTI Bosco hamwe na Pasiteri Jean Jacques KARAYENGA.

Léonidas MUHIRE

Related post

Leave a Reply

Your email address will not be published.