Pasiteri agiye gufungwa imyaka 30 kubwo gusambanya umwana w’imyaka 14

 Pasiteri agiye gufungwa imyaka 30 kubwo gusambanya umwana w’imyaka 14

Pasiteri Eric Tuininga wo muri Amerika, Georgia agiye gufungwa imyaka 30, nyuma yo guhamwa n’icyaha cyo gusambanya umwana w’umukobwa ufite imyaka 14, ubwo yari mu ruzinduko rw’iyogezabutumwa mu gihugu cya Uganda.

Eric Tuininga ufite imyaka 44, nyuma yo kwemera icyaha imbere y’umushinjacyaha mukuru muri Georgia, Marc T. Treadwell, yahise atabwa muri yombi.

Tuininga, usanzwe atuye muri Milledgeville, arafungwa imyaka 30 ndetse acibwe n’ihazabu ingana n’ibihumbi 250 by’amadorali ya Amerika, ugenekereje angana na miliyoni 250 z’amanyarwanda.

Tuininga, yagiye mu butumwa mu gihugu cya Uganda mu mwaka wa 2012. Yemera ko yakoresheje ububasha ahabwa n’itorero agasambanya umwana wasengeraga muri iryo torero ndetse akajya anamusambanyiriza mu nyubako zo ku rusengero.

Musomyi, isomo wakura muri iyi nkuru ni ukurinda umutima wawe kugira ngo utagwa mu moshya, kuko Satani ntawe atinya, wa mugani wa Pawulo ngo “nshobozwa byose na Kristu umpa imbaraga.”

Related post

Leave a Reply

Your email address will not be published.