Past. Antoine RUTAYISIRE ati: ”Nta money, nta body nta n’iki n’iki”, Menya iby’iyi video ikomeje guca ibintu ku mbuga nkoranyamabaga

 Past. Antoine RUTAYISIRE ati: ”Nta money, nta body nta n’iki n’iki”, Menya iby’iyi video ikomeje guca ibintu ku mbuga nkoranyamabaga

Rev. Past Dr Antoine RUTAYISIRE ni umuvugabutumwa mu idini Angilikani ry’u Rwanda aho abarizwa muri Paroisse ya Remera anabereye umuyobozi. Uyu muvugabutumwa, amaze kwigarurira imitima ya besnshi haba abizerera mu Mana n’abandi ahanini bitewe no kugaragara ahatandukanye atanga ibitekerezo byaba ibibwirizwa ndetse n’izindi ngingo zinyuranye. Urubyiruko nka bamwe mu bakoresha imbuga nkoranyamabaga bakurikira byinshi mu bikorwa bya RUTAYISIRE usanga babivuga mu mvugo yabo bati ‘Turamwemera’. Mu minsi ishize rero na we yabaye nk’ubemeza kurushaho ubwo yumvikanaga akoresha amagambo yo mu ndirimbo Agatunda y’umuhanzi Afrique ikunzwe n’abatari bake. Ibyo ni byo byaje gituma iyo video bayiheherekanya biratinda.

Ni mu minsi y’amasengesho yari ikomeje kuba mu cyumweru cyo kwibuka ariko iy’umunsi wa 36 itambutswa kuri Zaburi Nshya Tv ikorera kuri YouTube. N’ubwo ubusanzwe ayo masengesho yagarutse ku ngingo nyinshi birumvikana, icyaje kwisekereza benshi ni amagambo yo mu ndirimbo Agatunda.Yaragize ati: ”[Imana] iyo igiye kuguha umugisha, uza uhagaze aho ngaho nta body nta money nta n’iki n’iki. Ikaguha umugisha”.


Rev. Past Dr Antoine RUTAYISIRE si ubwa mbere yumvukanye mu mvugo zikunzwe n’abakiri bato kuko no ku bindi biganiro akora ku mbuga nkoranyamabaga ajya azikoresha. Nko mu kiganiro yagiranye n’urubyiruko ku nsanganyamatsiko ijyanye no kumenya uwo uri we, yagarutse ku magambo yo mu ndirimbo Agatunda y’umuhanzi Afrique, inyogo ye ndetse n’izindi mvugo zisangwamo n’urubyiruko bigatuma isomo ashaka kubigisha baryitaho kurushaho.

Related post

Leave a Reply

Your email address will not be published. Required fields are marked *