Past. Julienne KABANDA atunguje umugabo we amagambo akomeye mu ruhame

 Past. Julienne KABANDA atunguje umugabo we amagambo akomeye mu ruhame

Umuyobozi w’umuryango w’ivugabutumwa Grace Room Ministry Pst. Julienne KABANDA yatunguye umugabo we Stanley Kabanda amuhundagazaho amagambo yuje urukundo bishimisha imbaga y’abakirisitu yari yitabiriye amasengesho.

Past Julienne Kabanda n’umugabo we Stanley Kabanda

Past. Julienne Kabanda ni umwe mu bagore bakunzwe cyane mu ivugabutumwa mu Rwanda bitewe n’impano afite mu kubwiriza ijambo ry’Imana. Uyu kandi akunze kumvikana ashima umugabo we ndetse amuhamiriza urukundo amukunda ku mugaragaro bitewe n’ukuntu uyu Stanley Kabanda amushyigikira mu murimo w’Imana ndetse akita k’umuryango igihe Julienne yagiye mu murimo w’Imana.

 Past. Julienne KABANDA mu magambo yuje urukundo yongeye guhamiriza umugabo we ko azirikana urukundo amukunda, Ati: “Uyu mugabo sinzi icyo akozemo ariko ni umugabo w’Imana. Hari ibintu mbona nkabona biragoye! Biragoye kubana n’umugore nka Julienne. Nanjye ndi umugabo byangora, ariko ni we wagombaga kubana na Julienne.”

Julienne akomeza avuga ko hari igihe umuriro uba mwinshi ariko umugabo we akamuba iruhande muri byose bityo ko ari impano yiherewe n’Uhoraho.

Grace Room Ministries ikaba yishimira ko imaze gushyira hanze website yayo (www.graceroomministries.org) izajya ibafasha kumenyekanisha ibikorwa byayo ku Isi yose ndetse ikanabafasha kwamamaza ubutumwa bwiza.

Pasiteri Julienne asoza avuga ko afite amatsiko kuko agiye kubona abantu bagarukira Imana , biciye muri Website , ndetse ko bagiye kumenyana n’abantu benshi , kuko bagiye mu nguni enye [4] z’isi .

Grace Room Ministries ihuriza hamwe abakobwa n’abagore ku mugoroba wa buri cyumweru, yatangiye gukora mu mwaka wa 2018 itangijwe na Pasiteri Julienne KABANDA KABIRIGI umushumba mu itorero Jubilee Revival Assembly. Taliki ya 06/05/2018 nibwo Grace Room Ministry yafunguye ku mugaragaro.

Past. Julienne KABANDA uyobora Grace Room Ministry

Related post

Leave a Reply

Your email address will not be published.