Patient Bizimana n’umugore we baryohewe n’ubuzima mu biruhuko i Burayi

 Patient Bizimana n’umugore we baryohewe n’ubuzima mu biruhuko i Burayi

Umuramyi Patient Bizimana wakoze ubukwe tariki 19 Ukuboza 2021 kuri Romantic Garden ku Gisozi mu Mujyi wa Kigali, ariko akabwira Nkundagospel ko atarabona umwanya wo kujya kurya ubuzima mu kwezi kwa buki kubera ibitaramo byinshi yagombaga kwitabira kuri ubu ari kubarizwa i Burayi ndetse yahishuye ko uretse ibitaramo binyuranye ari kuhakorera, yerekeje kuri uyu mugabane agiye mu biruhuko n’umugore we.

Patient Bizimana ahamya ko ari ubwa mbere akoreye urugendo i Burayi rukamubana rwiza cyane kuko ari n’inshuro ye ya mbere atemberanyeyo n’umugore we.

Ibi Patient Bizimana yabigarutseho mu kiganiro cyihariye yagiranye na IGIHE ubwo bamusangaga mu Bubiligi aho ari kuba mbere yo gukomeza ibitaramo arimo.

Ati “Naje inaha harimo twa gahunda twinshi; ikiruhuko n’umugore, ubukwe twagombaga gutaha, ibitaramo binyuranye no gusura inshuti ariko icyari gikomeye ni ibiruhuko twajemo.”

Icyakora nubwo amaze iminsi mu biruhuko, Patient Bizimana avuga ko ibitaramo yakoreye i Burayi nubwo bigikomeje byamwigishije byinshi binamwereka ko ubutumwa yatanze mu bihangano bwageze kure.

Patient Bizimana yararikiye abakunzi be indirimbo ye nshya iri ku mushinga w’indirimbo zirenga 15 agiye gutangira gusohora.

Ati “Mfite umushinga w’indirimbo ngiye gusohora, kugeza umwaka utaha. Ni indirimbo nakoreye mu Ishusho Ltd ziri kuri album yanjye nshya. Kuzisohora byo urumva ko bizantwara hagati y’umwaka umwe n’ibiri.”

Ku ikubitiro Patient Bizimana yavuze ko agiye gusohora indirimbo yise ‘Umuriro wo kuramya’ igomba gusohokana n’amashusho ikajya hanze mu minsi mike ishoboka.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published.