RDC:Abagatolika bigaragambije basaba leta ko yafunga imipaka ibahuza n’u Rwanda

 RDC:Abagatolika bigaragambije basaba leta ko yafunga imipaka ibahuza n’u Rwanda

Kuri kino cyumweru tariki 04/12/2022, abayoboke b’idini rya gatolika muri Repubulika ya demokarasi ya Kongo bakoze urugendo rw’amahoro mu rwego rwo kwamagana intambara iri mu burasirazuba bw’igihugu, ndetse no gushyigikira ingabo z’igihugu. Abigaragambije basaba ko imipaka ihuza Kongo n’u Rwanda na Uganda yafungwa.

Bamwe mu bakoze urwo rugendo bari bafite ibyapa bivuga ko bamaganye “u Rwanda rwateye igihugu cyabo”, abandi bari bafite ibyapa bivuga ko badashaka gucikamo kwa Congo mu gihe abandi n’abo bagenda baririmba indirimbo z’amahoro.

Andre Byadunia, umuyobozi wa sosiyete sivile muri Uvira ari mu bari bitabiriye iyi myigaragambyo y’idini ry’abagatolika muri Uvira, yagaragaje ko Kongo atari igihugu cyo kugurisha.

Yagize ati:” Ubutumwa bwahawe aba nyekongo bose natwe buratureba. Twamaganye abashaka kugabura abanyekongo kandi Kongo si iyo gucuruza.”

Muri iyi myigarambyo amwe mu mu paruwasi yari yayitabiriye binyuze mu myandiko zabo ndetse n’amagambo yabo, basabye ko imipaka y’u Rwanda na Uganda yafungwa, basobanura ko “u Rwanda na Uganda bishyigikira imitwe yitwaje intwaro yicara iteza intambara muri Kongo.”

Abaturiye aka karere k’uburasizuba bwa Repubulika ya demokarasi ya Kongo basanga iyi myigarambyo ibera mu mijyi rya Goma, Bukavu ndetse na Uvira iri mu rwego rwo gusaba amahanga ko yakotsa igitutu abateza umutekano muke muri Kongo.

Umuyobozi wa Diyoseze Katolika ya Uvira, Mgr Joseph Sébastien Muyengo, yashimiye abitabiriye iyi myigarambyo avuga ko ibikubiye mu byo basabye, ejo ku wa mbere bazabigeza ku buyobozi bwa Leta ndetse no kuri Monusco.

Protais MBARUSHIMANA

http://www.nkundagospel.rw

Related post

Leave a Reply

Your email address will not be published. Required fields are marked *