RGB yateye utwatsi ibyo guhirika Apôtre Gitwaza ku buyobozi

 RGB yateye utwatsi ibyo guhirika Apôtre Gitwaza ku buyobozi

Urwego rw’Igihugu rw’Imiyoborere rwatesheje agaciro icyemezo cy’ababishopu 6 bari basabye Apôtre Dr. Gitwaza Paul kwegura ku buyobozi mu maguru mashya nyuma yo kumushinja amacakubiri.

Mu ibaruwa ikubiyemo imyanzuro y’Urwego rw’Igihugu rw’Imiyoborere RGB, Nkunda Gospel ifitiye kopi igira iti:

” Nshingiye ku ibaruwa yanyu yo kuwa 14/02/2022 mwandikiye Apotre Gitwaza Paul umuyobozi wa Authetic Word Ministries- Zion Temple Celebration Centre mumumenyesha ko mumukuye kuri uwo mwanya mukagenera RGB kopi ;

Nshingiye ku ibaruwa Authetic Word Ministries- Zion Temple Celebration Centre yo kuwa 15/02/2022 yandikiye Polisi y’Igihugu ishami rya Kicukiro igaragaza ikibazo cy’uko mushaka guteza umutekano muke mu itorero;

Nshingiye ku ngingo ya 5, igika 10 y’Itegeko n°56/2016 ryo ku wa 16/12/2016 rishyiraho Urwego rw’Igihugu rw’Imiyoborere rikanagena inshingano, imitunganyirize n’imikorere byarwo;

Nshingiye kandi ku ngingo ya 19 y’Itegeko n°72/2018 ryo kuwa 31/8/2018 rigena imitunganyirize n’imikorere by’imiryango ishingiye ku myemerere;

Nshingiye nanone ku kuba amategeko shingiro ya Authetic Word Ministries- Zion Temple Celebration Centre yahujwe n’Itegeko n°72/2018 rigena imitunganyirize n’imikorere by’imiryango ishingiye ku myemere bagahabwa compliance certificate ku wa 23/6/2019; ayo mategeko shingiro akaba ateganya inzego zimiyoborere z’umuryango n’ububasha bwazo;

Mu rwego rwo kubungabunga iyubahirizwa ry’amahame y’imiyoborere myiza nk’uko RGB ibiherwa ububasha n’amategeko;Ndabamenyesha ko:

1. Icyemezo mwafashe nta shingiro gifite kuko mutari inteko rusange ari rwo rwego rw’umuryango rufite ububasha bwo gufata icyo cyemezo.

2.Mugomba guhagarika ibikorwa byo kwihesha ububasha mudafite n’ibindi byose bishobora guteza umutekano muke mu banyamuryango n’abakristo ba Authetic Word Ministries- Zion Temple Celebration Centre. Turasaba inzego zishinzwe iyubahirizwa ry’amategeko zigenewe kopi y’iyi baruwa gukurikirana no kugenzura ko nta bikorwa bihungabanya ituze mu muryango wa Authetic Word MinistriesZion Temple muri gukora.”

Bishop Claude Djessa, Bishop Dieudonne VUNINGOMA, Bishop Pierre KABERUKA, Bishop Richard MUYA, Bishop Charles MUDAKIKWA na Bishop Paul- Daniel KIKIMUNU nibo banditse ibaruwa bashaka ko Gitwaza yegura, gusa bose bahagaritswe na Gitwaza mu 2016 ku mpamvu zitandukanye abashinja kugumuka, anasaba abakirisitu be ko abashaka kubakurikira, bafata inzira bakagenda.

Related post

Leave a Reply

Your email address will not be published.