Rwanda Christian Movie Ministry igiye kumurika ku mugaragaro filime za gikirisitu hanerekanywe filime ya mbere yitwa ‘4Cities’

 Rwanda Christian Movie Ministry igiye kumurika ku mugaragaro filime za gikirisitu hanerekanywe filime ya mbere yitwa ‘4Cities’

Minisiteri y’Ivugabutumwa rinyuze muri filime za Gikristo ‘Rwanda Christian Movie Ministry’ igiye kumurikwa ku mugaragaro mu gikorwa kizaba tariki 20 Werurwe 2021 kuva saa Tatu n’igice za mu gitondo. Muri iki gikorwa hazerekanwa filime ya gikristo yitwa 4Cities.

Araganje  Gaspardos usanzwe ari umuhanzi w’indirimbo zihimbaza Imana ubu amaze gusohora indirimbo ebyiri gusa yumva ataricyo ahamaharirwa gukora cyane.

kuwa Gatandatu tariki 20/03/2021 kuva saa tatu n’igice za mu gitondo. Nibwo bazamurika mu mugaragaro  mu buryo bw’ikoranabuhanga mu kwirinda ikwirakwira rya Covid-19, bizaba bica live streaming ku rubuga rwa Youtube kuri (Rwanda Christian Movie Ministry)

Araganje  Gaspardos umuyobozi Rwanda Christian Movie Ministry yabwiye Nkundagospel.rw ko igitekerezo cyo gushinga iyi Ministry cyaje arimo gusenga.

Yagize ati “ ubuzima bwanjye  ni mu bwami bw’Imana nashatse ko abantu babona kristo baciye muri filime za gikirisitu. Kuwa gatandatu nibwo tuzabishira ku mugaragaro tunerekane filime nto yitwa 4cities.

Yakomeje avuga ko nyuma yo gushyira iyi filime ku mugaragaro hari ibindi bikorwa byinshi bafitiye abakunzi b’umusaraba

Yagize ati “ mu mezi atandatu atangira umwaka tuzajya dukina filime andi mezi ane akurikiraho tuzajya tuzenguruka igihugu cyose  twerekana izi filime tuzajya dufatanya n’amatorero atandukanye abazajya bakizwa tubasigire ayo matorero yatwakiriye. Niyo mpamvu muri iki gikorwa  twatangiranye n’abakozi b’Imana baturuka mu matorero atandukanye.”

Abakozi b’Imana bazaba barimo kwishisha ni : Pastor Stanley Kabanda n’umugore we Pastor Julienne Kabanda bo muri Jubilee Revival Assembly Pastor Tom Gakumba n’umugore Gakumba Anitha bazwi cyane muri Healing centre church, ndetse n’Umuramyi Aime Uwimana  azaba arimo kuramya no guhimbaza Imana.

Filime 4Cities ni filime ngufi ishingiye ku ijambo ry’Imana rivuga ku mubibyi w’imbuto (Luka 8:11-15), ikaba yerekana abantu hane izi mbuto zabibwe niho havuye izina ry’iyi filime. Izaba ishaka kwerekana umujyi umuntu yagakwiye kuba ahagazemo.

Rwanda Christian Movie Ministry bafite intego yo gusakaza filime za gikirisituahantu hose kandi iranateganya kujya ikora filime z’uruhererekane zizajya zica kuri shene ya Youtube ku buryo abakirisitu batazajya babura icyo bareba ku buryo bazajya barangiza kuzireba bagasenga.

REBA IGICE GITO KIZEREKANYWA MURI FILIME YA 4CITIES

Related post

Leave a Reply

Your email address will not be published. Required fields are marked *