Sarah Uwera (Sanyu) yasohoye indirimbo nshya ikebura umwana w’umuntu

 Sarah Uwera (Sanyu) yasohoye indirimbo nshya ikebura umwana w’umuntu

Nyuma y’indirimbo ze 2 zakunzwe nabatari bake, Sarah UWERA (Sanyu), yashyize hanze indirimbo ya gatatu y’amajwi n’amashusho yise Mwana w’Umuntu.

Sarah Uwera (Sanyu) ni umuhanzikazi uririmba indirimbo z’Imana, usanzwe anaririmba muri Korali Ambassadors of Christ, arubatse, afite umugabo n’umwana umwe.

Kuwa kane w’iki cyumweru nibwo yashyize hanze amashusho y’indirimbo ye nshya yise Mwana w’Umuntu. Ni indirimbo igaragaza umutima w’Imana yibutsa umuntu wayo wayiretse agasubira inyuma aho yahoze mu ngeso mbi, ikamusaba kugaruka.

Mu kiganiro na Nkundagospel, Uwera Saraha (Sanyu),  yari afite amashimwe, yagize ati “Icyo mfite ubu ni amashimwe  ko Imana indinze nkaba ngihumeka umwuka w’abazima kandi hari benshi twabuze cyane cyane kubera iki cyorezo cya COVID 19”.

Sarah afite amashimwe ko akiri muzima

Akomeza ikiganiro yagarutse ku butumwa yifuza ko abantu bakura muri iyi ndirimbo ye nshya, Mwana w’Umuntu, yagize ati “Iyi ndirimbo twayikoze twifuza kubwira  abantu ko nta kure Imana itakura umuntu Kandi ko Imana idufiteho umugambi mwiza.”

Iyi ndirimbo, ije ikurikira izindi ndirimbo 2 zimaze iminsi hanze kandi zanakunzwe na benshi ari zo: Mwana wanjye na Nitashinda. Mwana w’umuntu, yatunganijwe amajwi na Bruce & Boris naho amashusho yakozwe na Meddy Saleh.

Asoza ikiganiro, yashimiye abakunzi be ndetse anabaha ubutumwa, yagize ati “Ubu tumwa Naha abakunzi banjye nuko mbakunda Kandi bakaba bashorora kubona indirimbo zanjye kuri channel ya : Sarah Uwera (Sanyu) official ndetse bakaba bankurikira kuri social media: @sarahuwerasanyu( Instagram, Twitter na Facebook page). Imana ibahe umugisha, turabakunda kandi tubahishiye byinshi”

Umuhanzikazi Uwera Sarah (Sanyu) mu butumwa bushya

Umva iyi ndirimbo nshya ya Sarah, MWANA W’UMUNTU

Related post

Leave a Reply

Your email address will not be published.