Schadrack Niyonzima yashyize hanze indirimbo y’amashusho yise “Uratandukanye” yongera kuvuga ku mbaraga z’Imana

 Schadrack Niyonzima yashyize hanze indirimbo y’amashusho yise “Uratandukanye” yongera kuvuga ku mbaraga z’Imana

Schadrack Niyonzima umuhanzi uririmba indirimbo ziramya zikanahimbaza Imana, yasohoye indirimbo nshya yise “Uratandukanye” ikubiyemo ubutumwa buvuga gukomera kw’Imana yacu iyi ndirimbo ivuga ko Imana itandukanye muri byose.

Niyonzima ni umuhanzi ukizamuka ufite impano umuntu wese atashidikanyayo akaba ari umucuranzi wa piano, kuririmba ni mpano akomora ku bayeyi, abarizwa mu Itorero rya ADEPR Rukiri I mu Karere ka Gasabo mu Mujyi wa Kigali.

Urugendo rwo gukora umuziki nk’umuhanzi wigenga yarutangiye muri uyu mwaka wa 2021. Indirimbo “Ni wowe” niyo ya mbere yashyize hanze. ubu yashyize hanze indirimbo ya kabiri yasohokanye n’amashusho yitwa “Uratandukanye”

Schadrack Niyonzima yashyize hanze indirimbo ya kabiri yasohokanye n,amashusho yitwa Uratandukanye

Schadrack Niyonzima yabwiye, NKUNDAGOSPEL ko yashakaga kongera kubwira abantu ko imbaraga z’Imana zitandukanye nibyo tubasha kubonesha amaso yacu.

Yagize ati “Imana n inziza kandi irakomeye muri byose haba mubabayeho n’abazabaho uwo mwami wacu atandukanye nabo. ubutumwa nyamukuru Imana yacishije mu mutima wanjye nukwibutsa abantu imbaraga z’Imana mbabwira ko itandukanye nibyo tureba ndetse nibyo tutareba ,n’imitekerereze yacu n’imyumvire ndetse n’ibindi byose n’Imana iri hejuru ya byose kandi ishobora byose IRATANDUKANYE.”

Schadrack yakomeza ashimira abantu bose badasiba kumugaragariza ko bamukunda bimutera imbaraga zo gukomeza kwamamaza ubutumwa bwiza bwa Yesu kristo ndetse yifuza ko mwakomeza gufatanya nawe no mu isengesho.

Yagize ati “ubutumwa natanga ndabakunda mbere mbere kandi ndanabashimiye urukundo badahwema kungarangariza.Icyo nabasaba nidufatikanye kwamamaza gukomera kw’Imana yacu ndetse benshi bagacyizwa bakacyira Yesu n’umwami n’umukiza mu buzima bwabo biciye muri twe dufatikanyije cyane birashoboka.Ku bihangano ndabasaba kunshyigikira muburyo bw’amasengesho ,inama ndetse no gufatikanya kugeza benshi buno butumwa maze tugafatikanya umurimo w’Imana.”

SCHADRACK NIYONZIMA yavutse iwabo ari abakristo ndetse akura anabibona yakuriye mu nzu y’Imana ari umukristo ukunda Imana yavukanye n’abana 8. murabo akaba ari 7 yavukiye mu muryango w’abakozi b’Imana kwa Pasteur yakuze akunda kuririmba cyane ndetse akanakunda no kubikora cyane cyane mu nzu y’Imana kugeza na n’ubu.
Ansanzwe ari umuririmbyi muri korali ndetse ni kuva kera ariko yaje gusanga afite n’umuhamagaro wo kuririmba ku giti cye. Imana ibimufashamo bituma anabikora atangira gukora indirimbo ze ariko n’ubu aracyakomeje kandi aracyari n’umuririmbyi muri korali. Amaze gukora indirimbo ebyiri iya mbere yarasohotse iri mu buryo bwa majwi. gusa ubu akaba yasohoye indi ya kabiri iri mu buryo bwa mashusho.

Niyonzima ni umwe mubiyeguriye kuba umuyoboro wo kwamamaza ubutumwa bwiza

muri gahunda afite ashaka kuba umuyoboro mwiza Yesu azajya acishamo ibihembura imitima ya benshi.

yakomeje agira ati “Gahunda mfite niyo gukorera Imana mu buryo nshoboye bwose cyane cyane mu mpano Imana yampaye nk’umuririmbyi ndetse nkaba n’umucuranzi.Intego nkuko Imana yabishimye ndifuza kuba umuyoboro mwiza Yesu akomeza gucishamo ibyiza binyura imitima ya benshi ndetse abari bihebye bakongerwamo ibyishimo no gukomera ku bwuwo murimo.Mu gihe nk’iki nd’umuyoboro wa kristo acishamo igaburo ritunga benshi mu buryo bw’umwuka kandi Imana ikomeze ibimfashemo kugeza ku mpera y’ubuzima bwanjye.”

“Uratandukanye ” ni indirimbo ya kabiri  ya Niyonzima, iyi ndirimbo iboneka ku rubuga rwa YouTube rwa Schadrack Niyonzima

UMVA HANO INDIRIMBO NSHYA YA Schadrack Niyonzima

Related post

Leave a Reply

Your email address will not be published. Required fields are marked *