MC Nario agiye gufasha Shaddyboo na DJ Briane gukizwa

 MC Nario agiye gufasha Shaddyboo na DJ Briane gukizwa

MC Nario umaze igihe gito yakiriye Yesu nk’umwami n’umukiza we yatangaje ko nyuma y’aho Imana imuhaye impano yo kuvuga rikumvikana no guhinduka inyenyeri imurikira rubanda, agiye gukora ibishoboka byose agahindura Shaddyboo na DJ Briane ibiremwa bishya kandi bishimwa n’Imana.

Mu kiganiro kiboneka kuri shene ya YouTube ya Nkundagospel MC Nario yarahiye ko arwaye kuzana Shaddyboo na DJ Briane mu rusengero. Yagize ati:

“Ibintu uvuze nibyo niyumvamo iyo mpano ndi inyenyeri ya rubanda, niyo urebye ibiganiro byanjye kuri YouTube ntabwo njya kuri YouTube ngiye kuvuga ubusa. Sinjya gutwika nka biriya by’abahanzi, nza hari ikinzanye kizima, ubu mu bwonko bwanjye Shaddyboo ndamuzana mu rusengero ndimo ndabyiyumvamo, ba DJ Briane bariya bose mwumva nta numwe ntafitiye numero , mu biganiro 3 mfite harimo n’icyo nzakora kuri Televiziyo y’u Rwandan zareba umwe muri mwe uzi byinshi kundusha tujyane kandi mfite icyizere ko abo bazahita bakizwa.”

Mc Nario yanyuze mu bitangazamakuru bitandukanye mu myidagaduro yishimirwa na benshi dore ko yatangiye gukorera kuri Flash Tv muri 2014. yavuze ko kugeza ubu yafashe umwanzuro wo kuva mubyo yita ibyisi agahitamo indi nzira y’agakiza kuko ariyo yaboneramo amahoro kuko aho yari ari ntakintu yigeze ahakura uretse ibihombo.

Mu kiganiro yagiranye n’umunyamakuru Yago yagarutse ku rugendo rwe mbere yo kwakira agakiza yavuze ko yari umuntu wishimira gutwika uhora yishimye ariko kera Mama we akaba yarigeze kumubaza icyo yifuza kuzaba amubwira ko azakizwa,ati nubwo nabaga ndimo gutwika ariko numvaga muringe bitazaramba.

Mc Nario uherutse kubatizwa mu itorero rya Zion Temple n’umuhungu we Junior Nario agasengerwa yavuze ko mu bintu byamufashije kubasha gufata umwanzuro ari uko ibyo yari arimo nta musaruro yigeze abikuramo yagize ati” Urebye imyaka namaze muri biriya bintu nakabaye mfite ibintu bifatika pe ariko mukuri ntabyo kandi abandi dukorana nkabona baratera imbere buri munsi yahaye urugero umunyamakuru ati koko imyaka mfite nigihe nahereye nkorera amafaranga nkabaye nta modoka mfite?

Nario yavuze ko kuri we yagize nkicyo yakita inyatsi cyangwa akaba ari Imana yashatse ko abivamo ntibimuheremo umugisha ati’ hari igihe nakoraga ariko nange simenye aho amafaranga agiye noneho nkagira n’abakoresha bishimira kwinjiza ariko ntibahembe uwinjije nkuko bikwiye mu byatumye mva kuri Flash Tv ibyo birimo kuko ni naho mperuka, naratekereje nsanga ndavunika kandi simbone umusaruro niko gufata umwanzuro wo kuhava.

Umunyamakuru yabubajije niba mbere atarakijijwe kuburyo yafashe umwanzuro wo gukizwa yagize ati’ Nta muntu utagira agakiza muri we ahubwo uburyo imyuka ituyobora wayihaye umwanya nibyo bituma wumva ko ukijijwe koko ati tugira imyuka ibiri umwuka w’ibyisi n’uwijuru rero aho tugira amahitamo ariko na none byose ngo tubishobozwa na Kristo uduha imbaraga.

Nario yavuze ko akazi ke ko kuba Mc ntaho kagiye ahubwo we azibanda kuburyo abikora naho abikorera icyakora avuga ko munzu z’utubyiniro( Club) ho atazigera ahakorera kuko kuri we abona ko bigoye kuba wakizwa ujya hariya hantu.#

DJ Briane ari mu kazi
Shaddyboo na DJ Briane MC Nario yifuza ko bakizwa
MC Nario aherutse kubatizwa
MC Nario
Shaddyboo nawe MC Nario yifuza ko akizwa
Shaddyboo ni umwe mu bakurikiranwa cyane ku mbugankoranyambaga
Reba iyo video

Related post

Leave a Reply

Your email address will not be published. Required fields are marked *