Suwede:Gushyirwa utwuma tw’ikoranabuhanga mu kiganza nk’ikimenyetso cy’uwikingije COVID 19 babyise ‘ikimenyetso cy’inyamaswa’

 Suwede:Gushyirwa utwuma tw’ikoranabuhanga mu kiganza nk’ikimenyetso cy’uwikingije COVID 19 babyise ‘ikimenyetso cy’inyamaswa’

Abanyamadini bo mu gihugu cya Suwede ntibari kuryama ngo basinzire nyuma yo gukeka ko bazaniwe ikimenyetso cy’inyamaswa binyuze mu twuma bari kwinjizwa mu ruhu, mu kiganza, micro chip, kugira ngo tujye dukoreshwa nk’icyangombwa cy’inzira ku bantu Bose bakingiwe Covid 19.

Nyuma yaho bitangajwe ko utazaba afite icyo kimenyetso mu kiganza atazajya yemererwa kugira aho ajya, kugura cyangwa kugurisha n’ibindi bikorwa byamuhuza n’abandi, abanyamadini batangaje ko bakeka ko bwaba ari ubuhanuzi buri Bibiliya, buvuga ikimenyetso cy’inyamaswa, busohoye.

Nkuko byagaragaye muri videwo yakwirakwijwe ku rubuga rwa Twitter rwa South China Morning Post, ikarebwa n’abasaga miliyoni 3, abaturage bo mu gihugu cya Suwede bari gushyirwaho microchip mu kiganza ifite agaciro nk’ak’icyemezo cy’inzira cya Covid 19, (COVID 19 passport).

Iyi video igaragaza ikoranabuhanga rya Stockholm-based company Epicenter, ryo kwinjiza akuma gato kangana n’urubuto rw’umuceri mu kiganza kugira ngo utwo twuma tujye tubika amakuru atandukanye kuboryo umuntu runaka yakoresha mudasobwa cyangwa telefoni ya smartphone akamenya ibyawe byose.

Hannes Sjoblad, umwe mu bayobozi bakomeye muri iyo kompanyi iri gukora utwo twuma yagize ati:“Gukoresha utu twuma birahambaye rwose kuko dufite umumaro mwinshi. Urugero uyu munsi ni itegeko ko buri wese agira icyemezo cy’inzira cya Covid 19, urumva ko dukoresheje utu twuma byakemuka. “

Abantu benshi bakoresha urubuga rwa Twitter bakimara kubona iyo videwo basubije ko ari “666” n’ikimenyetso cy’inyamaswa” bashingiye ku butumwa bwiza bwa Yohana buboneka mu gitabo cy’Ibyahishuwe 13:15-17.

Uyu murongo uragira uti: “ihabwa guha icyo gishushanyo cy’inyamaswa guhumeka, ngo kivuge kandi cyicishe abatakiramya bose. Itera bose aboroheje n’abakomeye,n’abatunzi n’abakene, n’abumudendezo n’abimbata gushyirwaho ikimenyetso ku kiganza cy’iburyo cyangwa mu ruhanga, kugira ngo hatagira umuntu wemererwa kugura cyangwa gutunda, keretse afite icyo kimenyetso cyangwa izina rya ya nyamaswa, cyangwa umubare w’izina ryayo.

Ku italiki ya mbere y’uku kwezi k’Ukuboza guverinoma ya Suwede yatangaje ko kugira pasiporo ya Covid 19 bigizwe itegeko kuri buri wese kugira ngo yemererwe kwitabira ibirori birimo abantu barenze 100.

Umushakashatsi muby’ikoranabuhanga Moa Petersen, aherutse gutangaza ko abarenga 6000 muri Suwede bamaze gushyirwamo utwuma twa microchip mu biganza byabo. Gusa ntiyasobanuye niba abo bose baba barazishyizwemo kubera impamvu ya Covid 19, dore ko iri koranabuhanga ryatangiye mu mwaka wa 2014 muri iki gihugu.

Related post

2 Comments

  • Iminsi y’imperuka twayigezemo Yesu agiye kugaruka.tube maso.

  • Imana idufashe naho Ubundi Abafite ibimenyetso cy’Amaraso ya Kristo nibo bahiriwe naho Ubundi nta buhungiro bukiriho usibye ku Mana. Uwiteka abahire cyane kdi Ukuboko kwiza kw’Imana kugumane namwe muri byose, muzagire umwaka mwiza wa 2022 Kdi uzababere umwaka wo kugwiza imbaraga z’Umutima,iz’ubwenge n’iz’Ijambo ry’Imana rigwiriye kdi rifite u ubwenge bwose no kumenya bibatera kwirinda ibibi…

Leave a Reply

Your email address will not be published.