The Sum Up: Apôtre MUTABAZI yifuje ko imbehe y’abarya ruswa yakubama

 The Sum Up: Apôtre MUTABAZI yifuje ko imbehe y’abarya ruswa yakubama

Apôtre MUTABAZI KABARIRA Maurice aherutse kugeza ibaruwa ye ku biro by’Inteko Nshingamategeko y’u Rwanda abasaba “kwiga ku mushinga w’itegeko ryo kunyaga uwariye ruswa n’uwanyereje umutungo w’igihugu nk’uko byahoze mu muco wa Kinyarwanda ku mutware wabaga yagomeye ingoma”.

Apôtre MUTABAZI KABARIRA Maurice, Uyobora Itorero Kingdom Citizens, ibaruwa yanditse yayigeneye Dr Augustin IYAMUREMYE, Perezida w’Inteko Nshingamategeko Umutwe wa Sena, ndetse na Hon. Donatille MUKABALISA uyobora Inteko Nshingamategeko Umutwe w’Abadepite.

Amasengesho yongeye guhuza Perezida Kenyatta na Ruto bamaze iminsi badacana uwaka

Umuhango wo gusengera igihugu wongeye kuba umuhuza hagati ya Perezida wa Kenya, Uhuru Kenyatta na Visi Perezida w’iki gihugu, William Ruto bamaze iminsi badacana uwaka nyamara bakorera Leta imwe.

Uyu muhango wo gusengera igihugu muri Kenya wabaye kuri uyu wa Kane tariki 26 Gicurasi 2022. Bamwe mu bakomeye muri Kenya bawitabiriye harimo Perezida Uhuru Kenyatta, Visi Perezida, William Ruto na Raila Odinga uri mu bahataniye kuyobora iki gihugu ubwo manda ya nyuma ya Uhuru izaba irangiye.Aya masengesho afatwa nk’ayongeye kuba umuhuza hagati ya Kenyatta na Ruto kuko bamaze igihe badacana uwaka ku buryo batajyaga bahurira no mu muhango umwe.

Meddy ari guhatana mu irushanwa ririmo na Diamond Platnumz

Ngabo Médard Jobert wamamaye nka Meddy, wanamaze kwemeza ko agiye kujya aririmba indirimbo zo kuramya no guhimbaza Imana gusa, ahatanye mu cyiciro cy’umuhanzi uhiga abandi muri Afurika y’Uburasirazuba, mu bihembo bya ‘The Headies” bitangirwa muri Nigeria.

Rose Muhando agiye kugaruka gutaramira abanyarwanda

Umuramyi wamenyekanye hirya no hino ku isi, ariko cyane cyane ku mugabane wa Africa, Rose Muhando, biteganyijwe ko azaza mu Rwanda kuva Ku wa Gatatu, tariki ya 1, kugeza Ku Cyumweru, tariki ya 5 Kamena 2022, mu giterane cyateguwe na City Light Center/Foursquare Gospel Church, cyo kwizihiza icyumweru cya pantekoti.

Iki giterane kizaba kiyobowe na Bishop Dr. Fidele Masengo, uyobora kandi wanashinze Itorero rya Foursquare Gospel Church.

Yesu aracyakora:Mu gitaramo giherutse gutegurwa na Alexis Dusabe habereye igitangaza

Imana bikanahumuriza abantu bayo, Alexis Dusabe, akomeje kwakira ubuhamya bw’abantu batandukanye bavuga ibitangaza byabayeho ubwo bitabiraga igitaramo aherutse gukora afatanyije n’umujyi wa Kigali.

Abinyujije ku mbuga nkoranyambaga ze yatangaje ko bamwe mu bitabiriye icyo gitaramo bagamije kureba uko abarokore babyina bahafatiwe n’umwuka wera bikarangira bakiriye Yesu nk’umwami n’umukiza wabo. Ubuhamya yakiriye ni ubwo umugabo twahaye izina rya Ndizeye JMV, wakiriye agakiza muri icyo gitaramo kandi bimutunguye.

Muri iki cyumweru hari inkuru nyinshi zavugishije benshi, niba wifuza kuzibona zose wasura www.nkundagospel.rw.

Related post

Leave a Reply

Your email address will not be published. Required fields are marked *