Top10 y’abahanzi baririmba gospel bakize kurusha abandi ku isi muri 2022 n’imitungo yabo

 Top10 y’abahanzi baririmba gospel bakize kurusha abandi ku isi muri 2022 n’imitungo yabo

Umuntu akivuka Imana imuha impano ndetse ikanamutegeka kuyikoresha neza kugira ngo izagirire nyirayo akamaro ndetse inakagirire n’isi yose muri rusange. Zimwe mu mpano Imana itanga harimo kumenya neza gukina umupira, gukina amafilimi, kuririmba ndetse n’izindi zitandukanye.

Uyu munsi Nkundagospel twabateguriye urutonde rw’abahanzi 10 baririmba indirimbo zo kuramya no guhimbaza Imana bahiriwe no gukoresha iyo mpano yabo maze bakagira ubukire kurusha bagenzi babo bose hirya no hino ku isi ndetse n’imitungo yabo.

#1. John P. Kee – $15 M. Umuhanzi uririmba indirimbo zo kuramya no guhimbaza Imana wambere ukize ku isi kugeza ubu ni John P. Kee, wamenyekanye cyane ku izina rya Kee ariko amazina ye nyakuri yitwa John Prince Kee (John Pee Kee), ni umuramyi umaze igihe kitari gito akora uwo murimo dore ko amaze imyaka 20 yose aririmba.

Uyu muramyi uyoboye abandi ku isi mu kugira amafaranga menshi yaranzwe no gukoresha ibiyobyabwenge ndetse n’ibindi byaha byose bikomeye. Nyuma yo kubona abo bakoranaga ibyo bibi batangiye kwicwa uruhongo hongo Kee yahise afata umwanzuro wo kugarukira Imana inzira zikiri nyabagendwa. Uyu mugabo ubwo yari yaherekeje korali igiye kuvuga ubutumwa muri Michigan yakiriye umuhamagaro w’Imana wo kuba umuvugabutumwa ndetse atangira no kuba umuhanzi atyo hadaciye kabiri ahinduka pasitori wa New Life Fellowship Center.

Yatangiye umwuga wo kuririmba indirimbo zo kuramya no guhimbaza Imana mu mwaka w’1980 ndetse amenyekana nk’umuhanzi wafataga umuziki gakondo akawuvanga n’ugezweho, ndetse bituma mu mwaka wa 2007 bamuhimba ” igikomangoma cy’indirimbo zo kuramya no guhimbaza Imana”. Kugeza uyu munsi John P. Kee afite umutungo wa $15 000 000 (Miliyari 15 Rwf).

John Prince Kee atunze $15 M

#2. Michael W. Smith – $15 M. Michael W.Smith ni umuhanzi wamenyekanye akiri muto ubwo yaririmbaga mu njyana Hip Hop mbere yuko ahinduka umuririmbyi uririmba indirimbo zo kuramya no guhimbaza Imana. Kugeza uyu munsi nawe afite umutungo ubarirwa muri miliyoni 15 z’amadorali ya Amerika, angana na miliyari 15 z’amafaranga y’u Rwanda, dore ko n’urutonde rw’ikinyamakuru Forbes ari mu icumi ba mbere bakize.

Michael W.Smith ni umugabo wubatse ufite umufasha witwa Deborah “Debbie” Kay Davis, bamaze kubyarana abana batanu.

Michael W. Smith atunze $15 M

#3. Erica na Tina Campbell – $15 M. Niba warigeze ureba indirimbo yitwa “Shackles” ndizera ko wamenye ubuhanga bwa duo Erica na Tina Campbell, aba ni bamwe mu baherwe b’abahanzi baririmba indirimbo zo kuramya no guhimbaza Imana muri uyu mwaka wa 2022. Iyi ndirimbo yabo ndetse yahawe igihembo cy’indirimbo ya mbere nziza mu mwaka wa 2016. Aba bahanzi nabo bafite umutungo ubarurwa muri miliyoni 15 z’amadorali ya Amerika.

Erica And Tina Campbell atunze $15 M

#4. Cece Winans – $10 M. Cece Winans ni umwe mu baramyi b’ibirangire ku isi dore ko afite ibihembo 17 bya Grammy ndetse akaba yarigeze kugurisha indirimbo miliyoni 17 byatumye mu mwaka wa 2015 ahembwa nk’umuhanzi w’ibihe byose wagurishije indirimbo cyane ndetse ahembwa nk’umukire w’ibihe byose. Ugenekereje afite umutungo ubarurwa muri miliyoni 10 z’amadorali ya Amerika.

Cece Winans atunze $10 M

#5. Dorinda Clark Cole – $9 M. Uyu muhanzi aturuka mu miryango ikomeye y’abaririmbyi ndetse afite umutungo ubarirwa muri miliyoni 9 z’amadorali ya Amerika.

Dorinda Clark Cole atunze $9 M

#6. Kirk Franklin – $8.5 M. Abantu benshi bakunze kwibaza ku mutungo w’uyu muhanzi kubera ubuzima butangaje abamo dore ko ari umuyobozi wa korali, umwanditsi w’indirimbo, umucuranzi ndetse n’ibindi, ariko umutungo we ni miliyoni 8.5 z’amadorali ya Amerika.

Kirk Franklin atunze $8.5 M

#7. Yolanda Adams – $8 M. Yolanda Adams nawe ni umuhanzi uririmba indirimbo zo kuramya no guhimbaza Imana zikundwa cyane kubera amagambo adasanzwe aba azirimo. Uyu muramyi yamenyekanye ubwo yashyiraga hanze album ye yise “Becoming and Be Still”. Uyu muramyi unakora akazi ko gutunganya indirimbo yavutse ku italiki ya 27 Kanama 1961 muri Texas. Afite umutungo ubarirwa muri miliyoni 8 z’amadorali ya Amerika.

Yolanda Adams atunze $8 M

#8. Tamela Mann – $6 M. Tamela Mann ni umuramyi ukomeye cyane ku isi uzwiho kugira ijwi riremereye ndetse rifite ingufu rya soprano, ibi bikaba byaramugize umuhanzi w’ibihe byose. Uyu muramyi yavukiye mu muryango w’abantu 16 muri Texas. Afite umutungo utari muke dore ko habarurwa miliyoni 8 z’amadorali ya Amerika.

Tamela Mann atunze $6 M

#9. Donnie McClurkin – $5 M. Uyu muhanzi muri bimwe by’umwihariko afite harimo ijwi rye rituma abafana be bumva bahora aho yataramiye. Uyu muramyi ubwo yazaga ku rubyiniro abantu bose bishimiye indirimbo ye yitwa “Days of Elijah”. Uyu muhanzi nawe abarizwa mu baherwe ku isi baririmba indirimbo zo kuramya no guhimbaza Imana, dore ko afite umutungo wa miliyoni 5 z’amadorali ya Amerika.

Donnie Mc Clurkin atunze $5 M
Donnie-McClurkin atunze $5 M

#10. Marvin Sapp – $4 M. Marvin Sapp ni umuhanzi uririmba indirimbo zo kuramya no guhimbaza Imana ndetse akanaba n’umwanditsi. Uyu muhanzi nawe ari ku mwanya wa 10 mu bahanzi bakize cyane ku isi kuko afite umutungo ungana na miliyoni 4 z’amadorali ya Amerika.

Marvin Sapp atunze $4 M

Ese turemeranya kuri uru rutonde, cyangwa hari abo wumva twashyizemo batari ngombwa cyangwa abo tutashyizemo kandi bari ngombwa? Twandikire muri comment uduhe igitekerezo cyawe.

Related post

Leave a Reply

Your email address will not be published. Required fields are marked *