Tumenye Yerusalemu umurwa wera umujyi ufite umurage ukomeye ku madini atatu manini ku Isi

 Tumenye Yerusalemu umurwa wera umujyi ufite umurage ukomeye ku madini atatu manini ku Isi

YERUSALEMU, umurwa wera kandi umurwa w’amaraso! umurwa w’ibihugu 2 byishi utaruzi muri Yerusalemu

Kuva Israel yabona ubwigenge muri 1948 Inteko ishinga amategeko yayo yabaga mu gice cy’Iburengerazuba bwa Yeruzalemu. Ibi byari ugushyira mu bikorwa umwanzuro wa UN washyigikoraga itangazo ryiswe Barfour Declaration ryagenaga ubutaka bugenewe guturwaho n’Abayahudi.

Israel icyo gihe yari ifite 78% by’ubutaka bwose bwa Yeruzalemu naho 22% isigaye ari iya Palestine.

Ibintu byaje guhinduka nyuma y’intambara bise iy’Iminsi itandatu yabaye muri 1967 ihanganisha Israel n’ibihugu by’Abarabu. Iyi ntambara yarangiye Israel iyitsinze ihita ifata n’igice cy’Iburasirazuba bwa Yeruzalemu.

Guhera ubwo Israel yahise itangaza ko Yeruzalemu yose ari umurwa wayo udashobora gusaranganywa n’abandi abo aribo bose.

Igice cy’Iburasirazuba bwa Yeruzalemu nicyo cyubatsemo icyo bita umurwa mukuru wa kera bivugwa ko ariwo umwami Dawidi na Salomon bavugwa muri Bibiliya bari batuye bakanahubaka urusengero rwarimo isanduku y’isezerano.Nubwo Israel yabigenje ityo ariko, Palestine ivuga ko igice cy’Iburasirazuba bwa Yeruzalemu ari Umurwa mukuru wayo.

Twibutse ko u Bwongereza bwakoronije Palestine akaba ari nabwo bashakiye Israel aho ishyira igihugu nyuma y’Intambara ya Kabiri y’Isi na Jenoside yari yakorewe Abayahudi, Ubwongereza ntibwemera ko Yeruzalemu ari Umurwa mukuru wa Israel.

Ni nayo mpamvu Ambasade yayo ndetse n’izindi bihugu iba i Tel Aviv.

Yeruzalemu ni umujyii w’amadini atatu akomeye ku Isi.

Kuba Yeruzalemu ari umujyi ufite umurage ukomeye ku madini atatu manini ku Isi ni ikintu gikomeye cyane.Abayahudi bemera ko urukuta rw’ingoro bivugwa ko ryubatswe na Salomon ari umurage ukomeye kuri bo kandi aho ruherereye ari ahantu hera. Ibi kandi ngo babishingira ku ngingo y’uko ariho habitswe isanduku y’isezerano Imana yagiranye na Israel.

Urusengero rw’i Yeruzalemu abanyamateka bavuga ko rwasenywe n’umwe mu bami ba Babuloni mu mwaka wa 586 mbere ya Yesu.Abayisiramu bavuga ko i Yeruzalemu ariho Intumwa y’Imana Muhamad yazamukiye ajya mu ijuru hari mu mwaka wa 621 Mbere ya Yesu. Ibi byatumye hano hashyirwa Umusigiti wubahwa n’Abasilamu ku Isi witwa Al-Aqsa.

Abakirisitu nabo bafata Yeruzalemu nk’ahantu h’agaciro ku mateka y’idini ryabo. Kuba Yesu/zu yaragiye mu rusengero rw’i Yeruzalemu akiri umwana kandi akaba yaramanitswe ku musaraba mu nkengero z’aho bituma Abakirisitu bafata Yeruzalemu nk’ahantu h’ingenzi mu myemerere yabo. Bakanaririmba ko ari umurwa wera.

Related post

Leave a Reply

Your email address will not be published. Required fields are marked *