“U Rwanda rwabonye Obald mushya” -Abaturage

 “U Rwanda rwabonye Obald mushya” -Abaturage

Abanyarwanda batuye hirya no hino mu gihugu, cyane cyane abatuye mu Karere ka Rulindo, bakomeje gutangarira umudamu witwa Odette Mukandinda bavuga ko yasigaranye ingabire yo gukiza nk’iya Obald uherutse kwitaba Imana.

Mu kiganiro Nkunda Gospel yagiranye na Odette Mukandinda yatangaje ko mu rugo rwe hagera abarwayi bari hejuru y’icumi buri munsi kandi bose bagataha bakize. Yagize ati:

“Ndashimira Imana cyane ko yampaye impano yo kurambika ibiganza ku bantu bagakira indwara zari zarabarembeje. Mu rugo iwanjye nakira abantu barenga icumi ku munsi kandi bose bagataha bakize kubera izina rya Yesu.”

Uwiringiyimana Jean de Dieu ni umwe mu baturage bahamya ko Mukandinda Odette afite impano yo gukiza abarwayi. Yagize ati:

“Uyu mubyeyi rwose ni Obald mushya kuko njyewe namuzaniye umwana wanjye wari warazengerejwe n’amaso ariko amukozeho gusa umwana ataha yakize.”

Mugenzi we Nirere Gaudense yagize ati: ” Uyu mubyeyi turaturanye, bityo mbona abantu baturutse imihanda yose baza ngo abarambikeho ibiganza ndetse harimo n’abazungu.”

Mukandinda Odette ni umubyeyi utuye mu Karere ka Rulindo, Umurenge wa Cyivugiza, Akagari ka Masoro ho mu mudugudu wa Rebero.

Ubusanzwe yavukiye mu Karere ka Rulindo ahazwi nka Murambi, avukira mu muryango w’abana 12, harimo abana 9 ndetse se akaba yari afite abagore 2. Papa we yitwaga Ngirumpatse Francois, nyina akitwa Sinahamagaye Veronica.

Nyina yapfuye ubwo Mukandinda yari afite imyaka 2 bituma asharirirwa n’ubuzima kubera kubana na mukase.Yaje kumenya ko yifitemo ingabire yo gukiza abarwayi ubwo yari afite imyaka 5, dore ko muri icyo gihe yakozaga ikiganza ku murwayi agakira ndetse akanavura imvune, ibyo bita kunga.

Mukandinda Odette yashakanye na Ndagiriwemana Jean Damascene ku italiki ya 12 Gashyantare 1994, aza kwitaba Imana mu mpera z’umwaka was 2019, azize impanuka, maze amusigira abana 8 barimo n’uruhinja.

Uyu mu mudamu abantu benshi biriwa mu rugo rwe abarambikaho ibiganza bagakira indwara zitandukanye aho uyu mubyeyi ufite imyaka 47 amaze imyaka 20 akiza abantu ariko ikibabaje nuko mu Rwanda hose bataramumenya.

Reba ikiganiro cye hano

Related post

Leave a Reply

Your email address will not be published.