Ubutumwa bwihariye True Promises na Healing bageneye Diane ugiye kuba muri Amerika.

 Ubutumwa bwihariye True Promises na Healing bageneye Diane ugiye kuba muri Amerika.

Diane Nyirashimwe umuririmbyi ukomeye cyane muri True Promises na Healing Worship Team yagiye kuba muri Leta Zunze Ubumwe za Amerika aho asanze umugabo we Mpore Eric.

Diane wamenyekanye mu ndirimbo nka Amba hafi, Nguwe neza n’izindi bivugwa ko yatangiye kuririmba akiri mutoya cyane ndetse ko ari mu bantu bane batangije True Promises.

Mu Guhaguruka kwe I Kigali kuri uyu wa kane tariki ya 18 Ugushyingo 2021, abagize True Promises bamushimiye uruhare yagize mu kuzamura Ijwi ryayo ikaba Itsinda rikomeye ryo guhimbaza mu karere u Rwanda ruherereyemo.

Mu butumwa bashyize ahagaragara bavuze bati “Twifurije umuririmbyi wacu n’umutoza w’abaririmbyi Diane urugendo rwiza rwo kwerekeza muri Leta Zunze Ubumwe za Amerika, aho asanze umugabo we Mpore Eric. Urugendo rwiza Diane. Ubutwari bwawe buzahoreho, iteka ryose kandi Uwiteka akomeze kugukoresha icyo yaguhamagariye, turagukunda cyane.”

Uretse True Promises, Healing Worship Team nayo yaririmbagamo yanditse ku rubuga rwayo rwa Instagram ko Diane yababereye umugisha ku  buryo tutabona uko tubisobanura. Uwiteka akwiture ibyo wakoze, turagukunda kandi tuzagukumbura.”

Diane azwi  nk’umuntu wazamukanye impano ikomeye akiri muto kuko nk’aho yigaga mu mashuri yisumbuye mu Rwunge rw’Amashuri APPEGA-Gahengeri mu karere ka Rwamagana, yari umuntu uzwi unandikwa mu bitangazamakuru kandi akiri mutoya.

Mu mwaka wa 2017 ni bwo yasezeranye kubana akaramata n’umugabo we Mpore Eric baje no kubyarana umwana w’umukobwa.

Related post

Leave a Reply

Your email address will not be published. Required fields are marked *